رائے بریلی:سڑک حادثے میں تین کی موت،2شدید طور سے زخمی

رائے بریلی:فروری۔ اترپردیش کے ضلع رائے بریلی کے بچھراواں علاقے میں اتوار کی صبح ڈمپر اور بولیرو کی آمنے سامنے سے ہوئی ٹکر میں تین افراد کی موت ہوگئی جبکہ دیگر دو افراد شدید طور سے زخمی ہوگئے۔پولیس ذرائع نے آج بتایا کہ علی الصبح تقریبا ساڑھے چار بجے بچھراواں علاقے کے مہاراج گنج اور گروبخش گنج روڈ پر نندا کھیڑا گاؤں میں ایک ڈمپر اور بولیرو کی آمنے سامنے سے ٹکر ہوگئی جس میں تین افراد کی موت ہوگئی جبکہ دیگر دو شدید طور سے زخمی ہوگئے جنہیں ٹراما سنٹر لکھنؤ میں داخل کرایا گیا ہے۔پولیس ذرائع نے بتایا کہ حادثے میں انوپ گرہ پرتاپ، راجندر سنگھ اور پپو کی موت ہوگئی۔بولیرو راجند سنگھ چلا رہے تھے۔شدید طور سے زخمی ہونے والوں میں راج کمار سنگھ اور سریش اگرہری کو لکھنؤ ٹراما سنٹر کے لئے ریفر کردیا گیا ہے۔پولیس کے مطابق ڈمپر ڈرائیور فرار ہوگیا۔ پولیس نے اس معاملے میں لاشیں پوسٹ مارٹم کے لئے بھیج دی ہیں اور آگے کی کاروائی کی جارہی ہے۔