’ٹپ ٹپ برسہ‘پر روینہ ٹنڈن کا کوئیک سٹائل کے ساتھ ڈانس ,سوشل میڈیا پر وائرل

نئی دہلی ،مارچ۔بالی ووڈ کے معروف سٹار روینہ ٹنڈن کا نارویجن ڈانس گروپ کوئیک سٹائل کے ساتھ "ٹپ ٹپ برسہ پانی” پر ڈانس سوشل میڈیا پر وائرل ہوگیا۔فوٹو اینڈ شیئرنگ پلیٹ فارم انسٹاگرام پر روینہ ٹنڈن نے نارویجن ڈانس گروپ کوئیک سٹائل کے ساتھ "ٹپ ٹپ برسہ پانی”پر ڈانس کرتے ہوئے ویڈیو شیئر کی جسے شائقین کی جانب سے خوب پسند کیا گیا۔ کوئیک سٹائل بھارت کے دورے پر گئے ہوئے جس دوران انہوں نے کئی معروف شخصیات کے ساتھ ملاقات کی۔سوشل میڈیا پر اس ویڈیو کے شیئر ہونے کے فوراً بعد ہی مداحوں نے ویڈیو کو دیکھ کر بھنگڑے ڈالے۔ ویڈیو میں دیکھا جا سکتا ہے کہ ڈانس گروپ کے ارکان گانے کی دھڑکنوں پر رقص کرنا شروع کر دیتے ہیں، جب کہ روینہ ان کے پیچھے سے نکلتی ہیں اور بالکل نئے انداز میں ہک سٹیپ کرتی ہیں۔ گانے میں روینہ نے بلیک کراپ ٹاپ اور نیلی جینز پہنی ہے۔کوئیک سٹائل نے ان کی پوسٹ کے عنوان سے لکھا کہ "مختلف جب آپ اسے اصلی (وائلٹ ہارٹ ایموجی) کے ساتھ کرتے ہیں۔”روینہ اور کوئیک اسٹائل کی طرف سے ویڈیو شیئر کرنے کے فوراً بعد، مداحوں اور نیٹیزنز نے دل اور فائر ایموجیز کے ساتھ کمنٹس سیکشن کو بھر دیا۔