جنوبی فلپائن میں فوجی کیمپ پر فائرنگ، 05 فوجی ہلاک

منیلا، فروری۔ فلپائن کے جنوب میں شمالی منڈاناو میں ایک فوجی کیمپ میں ایک فوجی نے ہفتے کے روز اپنے ساتھیوں پر گولی چلا دی، جس سے چار فوجی ہلاک اور ایک دیگر شدید طورپر زخمی ہو گیا۔مبینہ قاتل نے بعد میں خود کو بھی گولی مار کر خودکشی کر لی۔ یہ واقعہ کاگیان ڈی اورو شہر میں کیمپ ایوین جلستا کے اندر پیش آیا۔ ایک رپورٹ میں کمانڈ ڈیوٹی آفیسر آرمی میجر ایلڈن برینس کے حوالے سے بتایا گیا ہے کہ متاثرین میں سے چار موقع پر ہی دم توڑ گئے۔ابتدائی فائرنگ کے بعد بندوق بردار نے دوسرے کمرے میں داخل ہونے کی کوشش کی، لیکن دو دیگر فوجیوں کا حملہ آور سے تصادم ہوگیا اور اس کے نتیجے میں ہونے والی جدوجہد میں حملہ آور کی پستول لے کر اسے گولی مار دی۔اہلکار کے مطابق شدید زخمی فوجی مقامی اسپتال میں زیر علاج ہے۔برینس نے یہ واضح نہیں کیا کہ بندوق بردار کی اپنا آپا کھونے اور خوفناک حرکت کرنے کی وجہ کیا تھی۔ فائرنگ کے واقعے کی تحقیقات کی جا رہی ہیں۔فوج کے ترجمان میجر فرانسسکو گیریلو نے کہا کہ فوج تمام نکات سے تحقیقات کر رہی ہے کہ واقعہ کس وجہ سے پیش آیا۔