ہماچل میں بس پلٹنے سے 27 یاتری زخمی

شملہ، اگست۔ ہماچل پردیش کے اونا ضلع کے امب میں یاتریوں کو لے جانے والی ایک بس حادثے کا شکار ہو گئی ہے جس میں 27 یاتری زخمی ہو گئے ہی، جن میں 11 لوگ شدید زخمی ہیں۔
پولیس کا کہنا ہے کہ حادثے کے بعد زخمیوں کو سول اسپتال امب میں علاج کیا جارہا ہے۔ تمام عقیدت مند مدھیہ پردیش کے رہنے والے ہیں۔ یہ حادثہ جمعہ کی دوپہر مبارک پور میں پیش آیا۔ عقیدت مندوں سے بھری بس اترتے وقت سڑک کے بیچوں بیچ پلٹ گئی۔ بتایا جا رہا ہے کہ بس نے بریک نہیں لگائی اور بے قابو ہو کر پلٹ گئی۔ حادثے کے دوران بس میں موجود لوگوں میں چیخ و پکار مچ گئی۔ مسافر گھبرا گئے۔حادثے کے وقت بس میں تقریباً 34 عقیدت مند سوار تھے۔ بتایا جا رہا ہے کہ تمام عقیدت مند چن پورنی مندر کے درشن کر کے واپس لوٹ رہے تھے اور کروکشیتر جا رہے تھے۔ اسی دوران مبارک پور کے گھی دا گھٹہ میں بس سڑک پر اچانک پلٹ گئی۔ حادثے کی وجوہات کا پتہ نہیں چل سکا۔ اونا کے ایڈیشنل سپرنٹنڈنٹ آف پولیس پروین دھیمان نے حادثے کی تصدیق کی ہے۔ پولیس حادثے کی تحقیقات کر رہی ہے۔