دھامی نے وزیر اعظم سے ملاقات کی، کئی اسکیموں کی منظوری مانگی

دہرادون/نئی دہلی، جون ۔ اتراکھنڈ کے وزیر اعلیٰ پشکر سنگھ دھامی نے جمعرات کو وزیر اعظم نریندر مودی سے رسمی ملاقات کی اور ریاست کی ترقی کے لیے وزیر اعظم کی رہنمائی اور مرکزی حکومت کے تعاون کے لیے دیو بھومی کے لوگوں کی جانب سے شکریہ ادا کیا۔دریں اثنا وزیر اعلیٰ نے وزیر اعظم سے کہا کہ وہ اتراکھنڈ کے لیے جی ایس ٹی معاوضہ کی مدت جون 2022 سے آگے برقرار رکھیں، اتراکھنڈ میں نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ کی ایک شاخ قائم کئے جانے، کماؤں منڈل کے افسانوی مندروں کو جوڑے جانے کے مقصد سے مانس کھنڈ مندر مالا مشن کو منظوری دیئے جانے کی درخواست کی۔مسٹر دھامی نے متعلقہ لوگوں کو پتھورا گڑھ ہوائی پٹی سے فٖضائی خدمات کو تیز اور ہموار چلانے کی ہدایت دی اور ساتھ ہی ٹی ایچ ڈی سی انڈیا لمیٹڈ کی 25 فیصد ایکویٹی شیئر ہولڈنگ کو اتر پردیش سے اتراکھنڈ منتقل کرنے میں مرکز کے تعاون کی درخواست کی۔ وزیر اعلیٰ نے کہا کہ ریاست اتراکھنڈ ملک کے فارماسیوٹیکل ہب کے طور پر ابھر رہی ہے۔ ریاست اتراکھنڈ میں قائم فارماسیوٹیکل مینوفیکچرنگ یونٹ کہ ہندوستان میں ادویات کی کل کھپت کا تقریباً 20 فیصد حصہ داری ہے۔ انہوں نے مسٹر مودی کو بتایا کہ ریاست میں قائم تین بڑے صنعتی کمپلیکس دہرادون، ہردوار اور ادھم سنگھ نگر میں 300 سے زیادہ فارماسیوٹیکل مینوفیکچرنگ یونٹس ہیں جو ایک لاکھ سے زیادہ لوگوں کو روزگار فراہم کر رہے ہیں۔انہوں نے اتراکھنڈ میں نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ کی ایک شاخ قائم کرنے کی درخواست کی۔ اس سے ریاست میں فارماسیوٹیکل ریسرچ کو فروغ ملے گا۔