قطر کا غزہ پاور پلانٹ کو گیس کی فراہمی کا معاہدہ

دوحا،جنوری۔فلسطین کے جنگ زدہ علاقے غزہ کی تعمیر نو کے لیے قطری کمیٹی کے چیئرمین سفیر محمد العمادی نے غزہ الیکٹریسیٹی جنریشن کمپنی اور غزہ الیکٹرسٹی ڈسٹری بیوشن کمپنی کے ساتھ ایک معاہدے پر دستخط کیے۔العمادی نے کہا کہ کمیٹی نے غزہ الیکٹرسٹی جنریشن کمپنی کے نمائندے ولید سلمان اور الیکٹرسٹی ڈسٹری بیوشن کمپنی کے بورڈ آف ڈائریکٹرز کے چیئرمین کنعان عبید کے ساتھ معاہدے پر دستخط کیے ہیں۔ سیکٹر میں واحد پاور سٹیشن کے ذریعے گیس کی فراہمی اور بجلی کی پیداوار کے اخراجات کو پورا کرنے کے لیے ایسکرو اکاؤنٹ کا قیام بھی شامل ہے۔معاہدے کے تحت قطر کمیٹی اس اکاؤنٹ کی اصل مالک ہوگی۔ اس کے ذریعے ادائیگیوں کا انتظام کرے گی۔دوسری طرف بجلی کی تقسیم کار کمپنی اس اکاؤنٹ میں ماہانہ 50 لاکھ ڈالر جمع کرے گی جسے گیس کی سپلائی پوری کی جائے گی۔دستخط کی تقریب غزہ میں قطری کمیٹی کے ہیڈکوارٹر میں ہوئی اور انہوں نے غزہ میں بجلی کے بحران کی تازہ ترین پیش رفت اور اس کے خاتمے کے لیے پیش کیے گئے حل کے بارے میں تبادلہ خیال کیا۔قطری کمیٹی نے گذشتہ دسمبر کے آخر میں توانائی اور قدرتی وسائل کی اتھارٹی اور غزہ بجلی پیدا کرنے والی کمپنی کے ساتھ مفاہمت کی ایک یادداشت پر دستخط کیے تھے جس میں پاور پلانٹ کو چلانے کے لیے ضروری گیس کی فراہمی اور خریداری کے طریقہ کار پر ایک معاہدہ بھی شامل تھا۔

Related Articles