سشمیتا سین نے تیسرا بچہ گود لے لیا؟

ممبئی،جنوری۔بھارتی اداکارہ سشمیتا سین کے حوالے سے یہ خبریں گردش کر رہی ہیں کہ اداکارہ نے دو بیٹیوں کے بعد ایک بیٹے کو بھی گود لیا ہے لیکن انہوں نے خود اس بات کی کوئی تصدیق یا تردید نہیں کی ہے۔میڈیا رپورٹس کے مطابق سشمیتا سین کو حال ہی میں ممبئی کے باندرہ میں اپنی بیٹیوں رینی اور علیسا اور ایک بچے کے ساتھ دیکھا گیا۔کہا جا رہا ہے کہ ویڈیو میں نظر آنے والا تیسرا بچہ سشمیتا سین کا گود لیا ہوا تیسرا بیٹا ہے تاہم اداکارہ نے اس بارے میں کوئی باضابطہ بیان نہیں دیا ہے۔سوشل میڈیا پر سامنے آنے والی ویڈیو میں اداکارہ کو تینوں بچوں کے ساتھ پوز دیتے ہوئے دیکھا جاسکتا ہے۔دوسری جانب بھارت میں یہ رپورٹس بھی ہیں کہ سشمیتا کے بیٹے کو گود لینے کے حوالے سے خبریں درست نہیں ہیں۔ویڈیو میں نظر آنے والا بچہ اْن کا اپنا نہیں بلکہ کسی دوست کا بچہ ہے۔یاد رہے کہ سشمیتا سین نے دو بچیوں کو گود لیا ہوا ہے اور وہ دونوں کی بطور سنگل ماں پرورش کررہی ہیں۔