سعودی عرب کی پہلی پکی خم دار سڑک کی کہانی

ریاض،جنوری۔مکہ معظمہ اور طائف کو ملانے والی شاہراہ سعودی عرب کی پہلی خم دار پکی سڑک قرار دیا جاتا ہے۔سعودی چیمبرزمیں لاجسٹکس کمیٹی کے ایک ماہر اور چیمبر آف ٹرانسپورٹ کمیٹی کے رکن ماہر الرویزن نیالعربیہ ڈاٹ نیٹ کو بتایا مکہ اور طائف کو ملانے والی سڑک سعودی عرب کی مملکت کی پہلی پکی سڑک ہے۔انہوں نے بتایا کہ اس سڑک کی تعمیر سنہ 1344 ہجری میں تعمیر کی گئی۔ اس وقت کی سڑکیں کچی سڑکیں تھیں جن پر کاریں نہیں چل سکتی تھیں اور ان پر اونٹ اور گھوڑے سفر کرتے تھے۔انہوں نے وضاحت کی کہ نقل و حمل اور ٹریفک کو آسان بنانے، فاصلے کم کرنے، شہروں کے درمیان نقل و حمل کے اخراجات کو کم کرنے اور حادثات کی شرح کو کم کرنے کے لیے وزارت ٹرانسپورٹ نے دنیا کی جدید ترین سڑکوں کا جال بچھایا ہے۔انہوں نے مزید بتایا کہ سعودی عرب کی اہم ترین سڑکوں میں مکہ مدینہ المنورہ روڈ، ریاض- طائف روڈ، جدہ – مکہ روڈ، ریاض- دمام روڈ، ریاض-قصیم روڈ، اللیث – جازان روڈ دیگر زمینی سڑکیں جو خطے کے شہروں اور گورنریوں کو آپس میں جوڑنے میں معاون ہیں۔ یہ ایک دوسرے سے منسلک ہیں اور اس خطے کو سعودی عرب کے باقی علاقوں سے جوڑتی ہیں۔انہوں نے مزید کہا کہ سعودی عرب میں وزارت ٹرانسپورٹیشن کی جانب سے مکمل کیا جانے والا سڑکوں کا نیٹ ورک ایک طرف مملکت کے وسیع و عریض حصوں کو ایک دوسرے سے منسلک کرتا ہے اور دوسری طرف مملکت کو ہمسایہ ممالک سے جوڑتا ہے۔ سڑکیں انتہائی اہمیت کی حامل ہیں اور سڑک کی حفاظت کے انتظام کے لیے ایک مربوط نظام تیار کیا گیا ہے۔