بڑا اسکورکھڑا نہیں کرپانے کی قیمت چکانی پڑی: راہل

جوہانسبرگ، جنوری ۔ جنوبی افریقہ کے خلاف دوسرے ٹسٹ میچ میں ہندستان کے کپتان رہے لوکیش راہل کا خیال ہے کہ ٹیم کو پہلی اننگز میں بڑا اسکور نہیں کھڑا کرنے کی قیمت چکانا پڑی۔ میچ کے اختتام کے بعد راہل نے کہا کہ ٹیم پہلی اننگز میں 60-70 رن پیچھے رہ گئی۔راہل نے میچ کے بعد پریزنٹیشن میں کہا کہ سچ کہوں تو ٹاس جیتنے کے بعد پہلی اننگز میں ہم 60 یا 70 رن اور بناسکتے تھے۔ ایسا ہوتا تو دوسری اننگز میں ہمارے پاس 50-60 رنوں کی بڑھت ہوتی اور وہ رن اہمیت کے حامل ہوتے۔راہل کے علاوہ کوئی بلے باز پہلی اننگز میں 50 کا ہندسہ عبور نہیں کر سکا۔ ساتویں نمبر پر بیٹنگ کے لیے آنے والے روی چندرن اشون اگر 46 رنز کی جارحانہ اننگز نہ کھیلتے تو شاید ٹیم 202 تک بھی نہ پہنچ پاتی۔ ناہموار اچھال والی یہ پچ بالکل بھی آسان نہیں تھی لیکن ہندوستان کا یہ اسکور اس پورے میچ کا سب سے کم اسکور تھا۔ جنوبی افریقہ نے چوتھی اننگز میں 240 رنوں کا ہدف دیتے ہوئے 27 رنوں کی برتری حاصل کر لی۔ کپتان ڈین ایلگر نے دلیرانہ اننگز کھیلی، اپنے جسم پر گیندیں کھائیں اور آخر کارناٹ آؤٹ 96 رنز بنا کر ٹیم کو جیت دلائی۔دوسری اننگز میں بھی ہندوستان نے 155 پر دو وکٹ کی عمدہ حالت سے پھسلتے ہوئے 184 کے اسکور پر چھ وکٹ گنوادیے تھے۔ گیند کے ساتھ جنوبی افریقہ میں کسی ہندستانی کے ذریعہ اب تک کا عمدہ ترین پرفارمنس دینے والے شاردل ٹھاکر نے ایک تیز طرار اننگز کھیل کر ٹیم کو پریشانی سے باہر نکالا۔ راہل نے شاردل کی تعریف کرتے ہوئے کہا کہ شاردل کے لیے یہ ایک عمدہ ٹسٹ میچ رہا۔ انہوں نے ہر بار اپنی چھاپ چھوڑی ہے اور ہمیں میچ جتائے ہیں۔ میں ان کی گیند بازی سے بہت خوش ہوں۔ انہوں نے بلے بازی میں عمدہ کارنامہ انجام دیا اور ہمیں فتح دلانے میں اہم رول ادا کیا۔