شادی کی 13 ویں سالگرہ پر سنجے دت کا اہلیہ کیلئے محبت بھرا پیغام

ممبئی،نومبر۔ اداکار سنجے دت نے شادی کی 13 ویں سالگرہ پر اہلیہ مانیتا دت کے لیے محبت بھرا پیغام شیئر کیا ہے۔بالی ووڈ میں سنجو بابا کے نام سے مشہور اداکار سنجے دت نے انسٹاگرام پر اہلیہ مانیتا دت کے ساتھ ایک خوبصورت تصویر شیئر کی اور شادی کی تاریخ کے ساتھ لکھا ’’میں تم سے پہلے بھی محبت کرتا تھا لیکن اب تو یہ محبت اور زیادہ ہوگئی ہے شادی کی سالگرہ مبارک ہو۔‘‘مانیتا دت نے بھی اپنی شادی کے ابتدائی دنوں کی ایک خوبصورت تصویر شیئر کرتے ہوئے لکھا ایک دوسرے کا ساتھ دیتے ہوئے ایک اور سال۔ مانیتا دت نے سنجے دت کو دنیا پر اپنی مضبوط گرفت قرار دیتے ہوئے انہیں شادی کی سالگرہ کی مبارکباد دی۔واضح رہے کہ گزشتہ برس سنجے دت اور ان کی فیملی کے لیے کافی مشکل رہا ہے۔ کیونکہ سنجے دت کینسر جیسے موذی مرض میں مبتلا ہوگئے تھے۔ اس مشکل وقت میں ان کی اہلیہ مانیتا دت نے ان کا بھرپور ساتھ دیا۔ سنجے دت کینسر کو شکست دینے میں کامیاب ہوچکے ہیں۔