ڈی ڈی سی اے: روہن جیٹلی صدر کے عہدے پر برقرار رہیں گے

نئی دہلی، اکتوبر۔آنجہانی سیاستدان ارون جیٹلی کے بیٹے روہن جیٹلی کو دوبارہ دہلی اینڈ ڈسٹرکٹ کرکٹ ایسوسی ایشن (ڈی ڈی سی اے) کا صدر منتخب کر لیا گیا ہے۔ انہوں نے ایک بار پھر سینئر ایڈوکیٹ وکاس سنگھ کو شکست دے کر یہ عہدہ حاصل کیا ہے۔ جیٹلی کو 1658 ووٹ ملے جبکہ وکاس سنگھ کو صرف 662 ووٹ ملے۔ دہلی کے سابق وزیر اعلی مرحوم صاحب سنگھ ورما کے سب سے چھوٹے بیٹے سدھارتھ ورما نے ونود تہارا کو شکست دے کر سکریٹری بنے۔ سدھارتھ کو 1,322 ووٹ ملے، جب کہ تہارا کو 704 ووٹ ملے۔ معلومات کے مطابق بی سی سی آئی کے سابق ورکنگ صدر سی کے کھنہ کی اہلیہ ششی کھنہ نے بھی نائب صدر کا عہدہ برقرار رکھا ہے۔ انہیں 1,264 ووٹ ملے ہیں۔ گوتم گمبھیر کے ماموں پون گلاٹی کو خزانچی منتخب کیا گیا ہے۔ انہیں 1,664 ووٹ ملے ہیں۔