ویلنگٹن ٹیسٹ میں ہندوستان کی گرفت مضبوط، نیوزی لینڈ کے سامنے وکٹیں بچانے کا چیلنج
ویلنگٹن (نیوزی لینڈ)، ویلنگٹن کے بیسن ریزرو میں کھیلے جارہے پہلے ٹیسٹ میچ میں ہندوستانی ٹیم نے اپنی شاندار بلے بازی کے دم پر نیوزی لینڈ کو
دفاعی پوزیشن میں پہنچا دیا ہے۔ پہلی اننگز میں 352 رن کی بڑی برتری حاصل کرنے کے بعد ہندوستان نے چوتھے دن کا کھیل ختم ہونے تک میچ پر اپنی گرفت مضبوط کرلی ہے۔دوسری اننگز میں نیوزی لینڈ نے دو وکٹوں کے نقصان پر 119 رن بنالیے ہیں، تاہم وہ اب بھی ہندوستان سے 233 رن پیچھے ہے۔ راچن رویندر 27 اور ڈیون کانوے 59 رن بناکر ناٹ آو¿ٹ ہیں۔ دونوں کے درمیان اب تک 59 رن کی شراکت ہوچکی ہے۔ پانچویں دن نیوزی لینڈ کے سامنے میچ بچانے کا چیلنج ہوگا، جبکہ ہندوستانی ٹیم باقی آٹھ وکٹیں حاصل کرکے جیت درج کرنے کے ارادے سے میدان میں اترے گی۔نیوزی لینڈ کو دوسری اننگز میں کپتان ٹام لیتھم اور ہنری نکولس کی صورت میں دو جھٹکے لگے ہیں۔ لیتھم کو ایک بار پھر اننگز کے پہلے ہی اوور میں جسپریت بمراہ نے پویلین کی راہ دکھائی۔ وہ اپنا کھاتہ بھی نہیں کھول سکے۔ وہیں، پہلی اننگز میں ناٹ آو¿ٹ 175 رن بنانے والے ہنری نکولس 31 رن بناکر آو¿ٹ ہوگئے۔ انہیں پرسدھ کرشنا نے اپنا شکار بنایا۔اس سے قبل ہندوستانی ٹیم نے چوتھے دن صبح اپنی پہلی اننگز کا آغاز چار وکٹوں پر 486 رن سے آگے کرتے ہوئے کیا۔ وکٹ کیپر بلے باز رشبھ پنت نے جارحانہ انداز میں بلے بازی جاری رکھی اور چھکا لگا کر اپنے ٹیسٹ کریئر کی نویں سنچری مکمل کی۔ انہوں نے انشول کمبوج کے ساتھ پانچویں وکٹ کے لیے 68 رن اور دھرو جوریل کے ساتھ چھٹی وکٹ کے لیے 75 رن کی شراکت داری کی۔ اس دوران کمبوج 38 رن بناکر آو¿ٹ ہوئے، جبکہ پنت 153 گیندوں پر 10 چوکوں اور چھ چھکوں کی مدد سے 128 رن بناکر پویلین لوٹے۔جوریل نے بھی شاندار بلے بازی کرتے ہوئے اپنی نصف سنچری مکمل کی۔ انہوں نے واشنگٹن سندر کے ساتھ ساتویں وکٹ کے لیے 54 رن کی شراکت داری نبھائی۔ سندر 24 رن بناکر آو¿ٹ ہوئے۔ ہندوستان کا آٹھواں وکٹ آکاش دیپ کی صورت میں گرا، جو 13 رن بناکر پویلین لوٹ گئے۔ وہیں جوریل 79 گیندوں پر سات چوکوں اور ایک چھکے کی مدد سے 78 رن بناکر آو¿ٹ ہوئے۔ ان کے آوٹ ہوتے ہی ہندوستانی ٹیم نے اپنی اننگز 9 وکٹوں پر 720 رن بناکر ڈکلیئر کردی۔پہلی اننگز میں پنت کے علاوہ سلامی بلے باز کے ایل راہل نے بھی سنچری بنائی تھی۔ انہوں نے 290 گیندوں پر نو چوکوں اور دو چھکوں کی مدد سے 136 رن بنائے تھے۔ یشسوی جیسوال 85 اور دیودت پڈیکل 80 رن بناکر آwٹ ہوئے تھے، جبکہ کپتان گل صرف دو رن سے سنچری بنانے سے محروم رہ گئے تھے اور انہوں نے 98 رن کی اننگز کھیلی تھی۔نیوزی لینڈ کی جانب سے گلین فلپس نے تین اور راچن رویندر نے دو وکٹیں حاصل کی تھیں۔ میٹ ہنری، کائل جیمیسن، جیکب ڈفی اور نیتھن اسمتھ کو ایک ایک وکٹ ملی تھی۔نیوزی لینڈ نے اپنی پہلی اننگز میں 368 رن بنائے تھے۔ ایک وقت میزبان ٹیم نے محض 70 رن پر پانچ وکٹیں گنوا دی تھیں، لیکن اس کے بعد ہنری نکولس اور گلین فلپس نے اننگز کو سنبھالتے ہوئے چھٹی وکٹ کے لیے 216 رن کی شراکت داری کی اور ٹیم کا اسکور 300 رن سے آگے پہنچانے میں اہم کردار ادا کیا۔ گلین فلپس 118 رن بناکر آوٹ ہوئے، جبکہ نکولس 175 رن بناکر ناٹ آوٹ رہے۔ہندوستان کی جانب سے جسپریت بمراہ نے چار، آکاش دیپ نے تین، انشول کمبوج نے دو اور پرسدھ کرشنا نے ایک وکٹ لی تھی۔




