24 ستمبر کے جشنِ غوث الوریٰ و جلوسِ غوثیہ کی تیاریوں کے سلسلے میں محمدی مشن کور کمیٹی کا اہم اجلاس

لکھنؤ، آئندہ 24 ستمبر 2026، بروز جمعرات، 11 ربیع الثانی 1448 ہجری کو منعقد ہونے والے جشنِ غوث الوریٰ و جلوسِ غوثیہ کی تیاریوں کے سلسلے میں آج مدنی مسکن، یٰسین گنج، بال گنج، لکھنؤ میں آل انڈیا محمدی مشن کی کور کمیٹی کا ایک اہم اجلاس منعقد ہوا۔
اجلاس کی صدارت آل انڈیا محمدی مشن کے بانی و قومی صدر حضرت سید ایوب اشرف نے کی۔ اجلاس میں علمائے کرام، ائمہ? مساجد، مشن کے ذمہ دار عہدیداران، زونل عہدیداران، اراکینِ عاملہ اور اہم رفقاء نے شرکت کی۔ اس دوران آئندہ پروگرام کو منظم، پُرامن، باقاعدہ اور باوقار انداز میں منعقد کرنے کے سلسلے میں تفصیلی غور و خوض کیا گیا۔
اجلاس میں طے شدہ پروگرام کے مطابق 24 ستمبر کو صبح 11 بجے چوک واقع درگاہ مخدوم شاہ مینا شاہ رحمۃ اللہ علیہ کے احاطے میں جشنِ غوث الوریٰ منعقد کیا جائے گا۔ اس کے بعد دوپہر ایک بجے درگاہ مخدوم شاہ مینا شاہ سے جلوسِ غوثیہ برآمد ہوگا، جو میڈیکل چوراہا سے ہوتا ہوا میڈیکل کالج کے گیٹ نمبر ایک سے آگے بڑھ کر درگاہ حاجی الہر مین حضرت قیام الدین عباسی رحمۃ اللہ علیہ کے آستانے تک پہنچے گا۔ وہاں پہنچ کر جلوس جشنِ غوثیہ میں تبدیل ہو جائے گا۔
اس موقع پر مشن کے سینئر نائب صدر جناب شاکر علی مینائی عرف بابو بھائی کی جانب سے لنگر کا اہتمام کیا جائے گا۔
اجلاس میں تمام علمائے کرام، ائمہ? مساجد، انجمنوں، مشن کے زونل و یوتھ عہدیداران، سماجی کارکنان اور عام عاشقانِ غوثِ اعظم سے زیادہ سے زیادہ تعداد میں شرکت کی اپیل کی گئی۔ ساتھ ہی پروگرام کو امن، بھائی چارے، نظم و ضبط، باہمی ہم آہنگی اور مذہبی وقار کے ساتھ منعقد کرنے پر خصوصی زور دیا گیا۔
آل انڈیا محمدی مشن کی جانب سے پرنٹ و الیکٹرانک میڈیا، ڈیجیٹل میڈیا، صحافی برادری اور سوشل میڈیا نمائندگان سے بھی اپیل کی گئی کہ وہ اس اہم مذہبی پروگرام میں اپنی موجودگی درج کرائیں اور جشنِ غوث الوریٰ و جلوسِ غوثیہ کی کوریج کے ذریعے اس کی اطلاع زیادہ سے زیادہ لوگوں تک پہنچانے میں تعاون کریں۔
مشن کی کور کمیٹی نے تمام ذمہ داران، انجمنوں، علمائے کرام، ائمہ? مساجد اور عام عاشقانِ غوثِ اعظم سے اپیل کی کہ وہ 24 ستمبر کو صبح 11 بجے درگاہ مخدوم شاہ مینا شاہ رحمۃ اللہ علیہ، چوک، لکھنؤ پہنچ کر جشنِ غوث الوریٰ و جلوسِ غوثیہ میں شریک ہوں اور اس روحانی پروگرام کو کامیاب بنائیں۔
اجلاس میں مشن سرپرست پیرزادہ عارف میاں نقشبندی، مشن نائب صدر قاری غلام سبحانی، ڈاکٹر سید شہاب الدین اشرف، خازن محمد فرید، سکریٹری مقصود اشرف صدیقی، معاون سکریٹری افتخار خان، ترجمان سید جنید اشرف، سینئر میڈیا انچارج وحید الحسن صدیقی، میڈیا انچارج محمد نوشاد بلگرامی، یوتھ صدر سید محمد احمد میاں، زونل صدر عبدالرحمن، تاج محمد، نور عالم، ظفر احمد، محمد گل فغان، پیر محمد، مولانا اعظم علی قادری، مولانا ذاکر حسین، مفتی فیاض الدین، مفتی شعیب امجدی، قاری محمد علی، قاری گلاب الدین، قاری شرف الدین، قاری مسعودی، قاری عین الحق اشرفی، قاری زرین، حافظ عمران، قاری مشاہد رضا، قاری غلام عسگر، قاری مجاہد، قاری توصیف، قاری عبدالصبحان، قاری افتخار عالم حبیبی، قاری صدام حسین، کاتب عبدالرحمن، قاری عشرت، مولانا سید عدنان اشرف، ڈاکٹر سید احمد اشرف، سید عقیل احمد، سید طاہر اشرف، سید محمود اشرف، عباسی صاحب سمیت بڑی تعداد میں لوگ موجود رہے۔