الینوائے میں گرد آلود طوفان کی وجہ سے چھ افراد ہلاک، 90 گاڑیاں تباہ

واشنگٹن، مئی۔الینوائے اسٹیٹ پولس نے ایک پریس ریلیز میں بتایا کہ گرد الود طوفان کی وجہ سے ہائی وے پر گاڑیاں ٹکرا کر ڈھیر لگنے سے چھ افراد کی موت ہو گئی اور 90 گاڑیوں کو نقصان پہنچا۔بیان میں کہا گیا کہتقریباً 30 کمرشل موٹر گاڑیاں اور 40 سے 60 مسافر گاڑیا ں ٹکرائی ہيں۔ ان میں دو ٹرک ٹریکٹر سیمی ٹریلر بھی شامل ہیں جن کے ٹکرانے کے نتیجے میں آگ لگ گئی، رپورٹوں سے پتہ چلتا ہے کہ چھ ہلاکتیں ہوئی ہیں، یہ سب شمال کی طرف جانے والی سڑکوں پر واقع ہوئی ہیں۔ریلیز میں کہا گیا ہے کہ گاڑی ٹکرانے کی وجہ ہائی وے کے ارد گرد کھیتوں سے دھول اڑانے والی تیز ہوا کی وجہ سے ہے، جس کے نتیجے میں حد بصارت صفر ہو گئی تھی۔ریلیز میں کہا گیا ہے کہ 30 سے زائد افراد کو معمولی سے لے کر جان لیوا زخم آئے ہیں، جنہيں اسپتال منتقل کیا گیا ہے۔ ریلیز میں مزید کہا گیا کہ زخمی ہونے والوں کی عمر دو سال سے لے کر 80 سال تک کے ہیں۔