ترقی یافتہ ہندوستان کی تعمیر سبھی شہریوں کی ذمہ داری:یوگی

بستی:مارچ۔ اترپردیش کے وزیر اعلی یوگی آدتیہ ناتھ نے منگل کو کہا کہ ترقی یافتہ ہندوستان کی تعمیر سبھی شہریوں کی ذمہ داری ہے۔ وزیر اعظم نریندر مودی کی قیادت میں ملک ترقی کی جانب گامزن ہے اور سبھی طبقات کے لئے لگاتار کوششیں کی جارہی ہیں۔اے ڈی اکادمی دھرم پور دبولی کے احاطے میں’ڈاکٹر وائی ڈی سنگھ‘ کی مورتی کی نقاب کشائی اور ان کے کارناموں پر مبنی ایک کتاب کا اجراء کرنے کے بعد یوگی نے عوامی ریلی سے خطاب کرتے ہوئے کہا کہ اپنے اصل فریضے کے ساتھ ڈاکٹر سنگھ کی سماجی خدمت کے تئیں جنون قابل تعریف تھا۔ انہوں نے ڈاکٹری کے پیشے کے ساتھ سماجی خدمت کے ذریعہ بھی ترقی یافتہ ہندوستان کی تعمیر میں اہم کردار ادا کیا۔ وزیر اعظم نریندر مودی کی قیادت میں ملک ترقی کے راستے پر گامژن ہے لیکن اس کاز میں سبھی ملکی باشندوں کی معاونت ضروری ہے۔ یہ ایک ہندوستانی ہونے کے ناطے ہم سبھی کی آئینی ذمہ داری ہے۔تمام لوگوں کو نوراتری اور رام نومی کی مبارکباد دیتے ہوئے انہوں نے کہا کہ ڈاکٹر سنگھ نے سرکاری ملازمت کرتے ہوئے سماجی خدمت میں اہم کردار ادا کیا ہے، جسے پورا پوروانچل جانتا ہے۔ اپنی ڈیوٹی سے فارغ ہو کر اپنی رہائش گاہ پر بھی مریضوں کو دیکھتے تھے۔ انہوں نے لاکھوں بچوں کو زندگیاں دی ہیں جنہیں کبھی بھلایا نہیں جا سکتا۔ نیپال سے لوگ بچوں کو دکھانے آتے تھے اور مفت علاج کروا کر واپس چلے جاتے تھے۔انہوں نے کہا کہ گورکھپور میڈیکل کالج کو ایک نئی بلندی پر لے جانے میں ان کا بہت بڑا تعاون ہے، جس سے نہ صرف گورکھپور کے شہری بلکہ پورے پوروانچل کو جانا جاتا ہے۔بلاتفریق وہ ہر ایک کا علاج کرتے تھے۔ایک وقت ایسا تھا جب وہ گورنمنٹ میڈیکل کالج میں حکومت پیسے کم دیتی تھی تو انہوں نے گورکھپور میڈیکل کالج میں اپنے پیسوں سے کئی ایسے کام کروائے جن کا تصور بھی نہیں کیا جا سکتا۔ یوگی نے کہا کہ آزادی کے امرت مہوتسو کے پروگرام میں وزیر اعظم نریندر مودی نے ‘پنچ پرن’ کے بارے میں تفصیل سے بتاتے ہوئے کہا تھا کہ تمام شہریوں کو ترقی یافتہ ہندوستان کی تعمیر میں اپنا حصہ ڈالنا چاہیے۔ یہ ہر شہری کا فرض ہے، وہ تمام جھلک ڈاکٹر وائی ڈی سنگھ میں نظر آئی۔ وزیر اعظم نریندر مودی کی قیادت میں ہندوستان مسلسل ترقی کی طرف بڑھ رہا ہے، تمام طبقات کے لوگوں کے لیے ترقیاتی کام ہو رہے ہیں۔ مرکزی اور ریاستی حکومتیں بغیر کسی تفریق کے ترقیاتی کام کر رہی ہیں، جس کا فائدہ سب کو مل رہا ہے۔انہوں نے کہا بستی ضلع مسلسل ترقی کی جانب گامزن ہے۔ منڈروا کی شوگر مل کچھ عرصے میں پیٹرول اور ڈیزل بنانے جارہی ہے جس سے یہاں کے لوگوں کی ضروریات پوری ہوں گی۔ بجلی کا نظام پہلے جیسا نہیں رہا، بجلی کا نظام نئی ٹیکنالوجی سے لیس کرایا جا رہا ہے۔وزیر اعلیٰ نے کہا کہ ایک وقت تھا جب پوروانچل جاپانی انسیفلائٹس کا شکار تھا، اس وقت ڈاکٹر وائی ڈی سنگھ نے اپنے پیسے سے ہزاروں بچوں کا علاج کیا تھا اور ان کی سہولیات کے لیے طرح طرح کے انتظامات کیے گئے تھے، یہ کم ہے۔ انہوں نے کہا کہ وہ سرکاری ملازمت کرنے کے باوجود بہت سادہ زندگی گزارتے تھے۔ ہم سب کو ان کی زندگی سے متاثر ہونا چاہیے اور اپنی ذمہ داری کو سمجھنا چاہیے، تب ہی ہمارا ملک ترقی کرے گا، یہ پہلے سے کئی گنا بہتر ہے اور حکومت مکمل طور پر اس کے لیے پرعزم۔