زندگی جینے کا انداز بدل دے گا5جی: آکاش امبانی

نئی دہلی، فروری ۔ ریلائنس جیو انفوکوم کے چیئرمین آکاش امبانی نے کہا کہ 5G ٹیکنالوجی ہندوستانیوں کے طرز زندگی کو بدلنے کی طاقت رکھتی ہے۔ وہ الیکٹرانکس اور انفارمیشن ٹکنالوجی کی وزارت کے زیر اہتمام ایک پوسٹ بجٹ ویبینار سے خطاب کر رہے تھے۔ وزیر اعظم نریندر مودی نے منگل کی صبح اس ویبینار کا افتتاح کیا۔آکاش امبانی نے جیو کے ٹرو 5 جینیٹ ورک لانچ کو دنیا کا سب سے بڑا 5G رول آؤٹ قرار دیا۔ صرف 5 مہینوں کے اندر، جیو نے تقریباً 40,000 ٹاور سائٹس پر 2.5 لاکھ 5G سیل انسٹال کیے ہیں۔ ریلائنس جیوکے اس بڑے انفراسٹرکچر پر سوار ہو کر کمپنی کی سروس 277 شہروں تک پہنچ گئی ہے۔ آکاش امبانی نے دعویٰ کیا کہ 2023 تک ریلائنس جیو کی ٹرو 5 جی سروس ہر تعلقہ، ہر شہر اور ہر گاؤں میں دستیاب ہوگی۔آکاش امبانی نے 5G ٹیکنالوجی کو مختلف شعبوں میں کس طرح استعمال کیا جا سکتا ہے اور اس کا ہماری زندگیوں پر کیا اثر پڑے گا اس پر بڑی تفصیل سے بات کی۔ صحت، تعلیم، زراعت، گیمنگ سے لے کر اسمارٹ سٹی میں 5G کے استعمال کبتائے۔ آکاش امبانی نے کہا کہ ملک 5G کا فائدہ اٹھانے کے لیے پوری طرح تیار ہے۔