جے ڈی (یو) نے ناگالینڈ کی آٹھ سیٹوں کے لیے امیدواروں کا اعلان کیا

نئی دہلی، فروری ۔ جنتا دل (یونائیٹڈ) نے اتوار کو ناگالینڈ اسمبلی انتخابات کے لئے آٹھ امیدواروں کی پہلی فہرست جاری کی۔پارٹی کے جنرل سکریٹری اور قانون ساز کونسلر آفاق احمد خان نے یہاں یہ اطلاع دی۔ انہوں نے کہا کہ پارٹی لیڈر امسوونگبا کو گھساپانی ایک اے سی سے اور زوینگا زیب کو تسمینیو سیٹ سے امیدوار بنایا گیا ہے۔اس کے علاوہ ویپوپال کنتسو کو سدرن انگامی ڈو سے، جے لانو لونگچار کو اے سی ایلونگتاکی سے، سینچومو لوتھا کو تیوئی سے، گیہوانگ کونیاک کو تاپی سے، این تھونگ وانگ کونیاک کو مون ٹاؤن سے اور اجنگلی سنگتھم کو لونگکھم چارے سے نامزد کیا گیا ہے۔ناگالینڈ میں 27 فروری کو 60 رکنی اسمبلی کی تشکیل کے لیے انتخابات ہوں گے، جب کہ ووٹوں کی گنتی 2 مارچ کو ہوگی۔ کاغذات نامزدگی داخل کرنے کی آخری تاریخ 7 فروری جبکہ کاغذات نامزدگی واپس لینے کی آخری تاریخ 10 فروری ہوگی۔