’راہول اور ٹینا‘ کی محبت 24 برس بعد بھی برقرار

ممبئی ,دسمبر۔بالی ووڈ سپر اسٹار شاہ رخ خان نے گزشتہ روز 28 ویں کولکتہ انٹرنیشنل فلم فیسٹیول میں شرکت کی۔جہاں ان کی ملاقات پرانی ساتھی اداکارہ رانی مکھرجی سے ہوئی اور ان کے ملنے سے پرستار ماضی کی خوبصورت یادوں میں کھو گئے۔شاہ رخ خان کے فین کلب اکاؤنٹ سے فلم فیسٹیول کی کئی تصاویر شیئر کی گئیں۔ایک تصویر میں رانی مکھرجی شاہ رخ خان کا ہاتھ چوم رہی ہیں جو سوشل میڈیا پر بہت وائرل ہو رہی ہے۔تصویر دیکھ کر کئی مداحوں نے مشہور زمانہ فلم ’کچھ کچھ ہوتا ہے‘ میں دونوں فنکاروں کی جوڑی اور ان کے رومانس کو یاد کیا۔