نئی دہلی ۶ ستمبر[یو این آئی] سات ستمبر یعنی کل سے ، قومی دارالحکومت کی لائف لائن دہلی میٹرو تقریبا پانچ ماہ تک کورونا وائرس کی عالمی وبائی بیماری کی وجہ سے اپنی سروس معطل رکھنے کے بعد ، مرحلہ وار اپنی خدمات کو دوبارہ پیش کرنے کے لئے تیار ہے۔
7 اور 8 ستمبر کو ابتدائی طور پر صرف ییلو لائن جو 49 کلومیٹر 37 اسٹیشن، 20 زیرزمین اور 17 عام اسٹیشنوں پر مشتمل ہے، صبح چار بجے سے دن میں گیارہ بجے تک اور شام چار بجے سے رات 2000 بجے تک چلے گی۔
اگلے پانچ دن 12 ستمبر تک باقی لائنوں کو بھی با حفاظت میٹرو احاطے میں COVID-19 کے پھیلاؤ کی روک تھام کے لئے عملی اقدامات کیساتھ عمل میں لایا جائے گا۔ ہر ایک کو معمول کی پیروی کرنا ہو گی یعنی معاشرتی دوری رکھنی ہوگی، چہرے کو ماسک سے ڈھکنا ہوگا اور ہاتھوں کو سینیٹائز کرنا ہو گا۔ ڈی ایم آر سی کے ترجمان نے آج بروز اتوار یہ اطلاعات دیں۔