اگلے سال ایٹہ کا تھرمل پاور پلانٹ بجلی پیدا کرنا شروع کر دے گا: یوگی

ایٹا، اکتوبر۔ اتر پردیش کے وزیر اعلی یوگی آدتیہ ناتھ نے اتوار کو ایٹہ میں زیر تعمیر تھرمل پاور پلانٹ کا معائنہ کرنے کے بعد یقین ظاہر کیا کہ اگلے سال تک اس پلانٹ سے بجلی کی پیداوار شروع ہو جائے گی۔مغربی اتر پردیش میں اپنے قیام کے دوسرے دن ایٹہ پہنچنے پر یوگی نے زیر تعمیر تھرمل پاور پلانٹ کا زمینی معائنہ کیا۔ انہوں نے کہا، ’’ابھی ہم نے 12 ہزار کروڑ کی لاگت سے تھرمل پاور پلانٹ کا معائنہ کیا ہے۔ جب یہ اگلے سال شروع ہوگا تواس سےیہاں کی ترقی کوپہچان ملے گی۔یوگی نے کہا کہ تھرمل پاور پروجیکٹ کے لیے کورونا کے دور میں کام کرنے کا بحران تھا۔ اب یہ بحران ختم ہونے کے بعد آج پورے اعتماد کے ساتھ کہا جا سکتا ہے کہ یہ پلانٹ اگلے سال کام کرنا شروع کر دے گا۔ انہوں نے اس دوران ایٹہ میں ترقیاتی منصوبوں کا افتتاح اور سنگ بنیاد بھی رکھا۔اس موقع پر انہوں نے کہا کہ آج یہاں 255 منصوبوں کا افتتاح اورسنگ بنیاد رکھا جا رہا ہے۔ ان میں سڑک، صحت، طبی وغیرہ جیسے ہر شعبے کے لیے اسکیمیں شامل ہیں۔ یوگی نے اپنے خطاب میں کہا، ‘اسمبلی انتخابات کے بعد آج مجھے ایٹا آنے کا پہلا موقع مل رہا ہے۔ آپ کے بھرپور آشیرواد اورضلع کی ترقی کی راہ ہموار کرنے کے لئے مبارکباد اور شکریہ ادا کرتا ہوں۔انہوں نے کہا کہ یہاں بننے والے میڈیکل کالج کا تعمیراتی کام آخری مراحل میں ہے جس سے ایٹہ کو ایک نئی شناخت ملے گی۔ بغیرایٹہ کے جلیسر کی گھنٹی بجے کوئی رسم مکمل نہیں ہو سکتی۔ رام جنم بھومی کی تعمیر کے بعد وہاں ایک عظیم الشان گھنٹہ لگانے کے لئے یہاں جیسلمیر میں کام ہورہا ہے۔وزیر اعلیٰ یوگی نے کہا کہ حکومت کی فلاحی اسکیموں کا فائدہ عام آدمی تک گھر گھر پہنچایا جا رہا ہے۔ کورونا کے دور میں دنیا کے ترقی یافتہ ممالک پست ہورہے تھے، لیکن بھارت واحد ملک تھا، جس نے اپنے ہم وطنوں کی زندگی اور معاش بچانے کا کام کیا۔ بحران کے وقت، ڈبل انجن والی حکومت نے اب تک ملک میں 200 کروڑ اور اتر پردیش میں 39 کروڑ مفت ویکسین دی ہیں۔یوگی نے کہا کہ نوجوانوں کو اسمارٹ فون ٹیبلٹ دیے جارہے ہیں۔ نوجوان اب اسمارٹ بن رہا ہے۔ اتر پردیش آج سب سے نوجوان ریاست ہے۔ اتر پردیش کا نوجوان ٹیکنالوجی میں اسمارٹ بنے، اس لیے حکومت یہ کام کر رہی ہے۔ غریبوں کی بہبود کی اسکیموں کو ترجیح دینے کا ذکر کرتے ہوئے یوگی نے کہا کہ خواتین کو بے سہارا پنشن، بیوہ پنشن، دویانگ پنشن دی جارہی ہے۔ غریبوں کے سرپر چھت کے لئے پی ایم آواس یوجنا کا کام ہو رہا ہے۔ اسی طرح بیٹیوں کے لئے کنیا سمنگلا یوجنا، اجتماعی شادی کی اسکیم چلائی جا رہی ہے۔انہوں نے کہا کہ اسکولوں میں آپریشن کایاکلپ سے آج پرائمری اسکولوں کی تصویر بدل رہی ہے۔ مرکزی اور ریاستی حکومتوں کے ذریعہ کئی اسکیمیں چل رہی ہیں۔ ان میں ہونے والی دلالی اب بندہوگئی ہے۔ اسکیموں کا فائدہ ہر شہری کو مل رہا ہے۔ یوگی نے کہا، ”جس طرح آپ کے آباؤ اجداد نے جلیسر کی گھنٹی کو دنیا میں پہچان دلائی، اسی طرح ہماری حکومت آپ کے ضلع کی ترقی کے ذریعے پہچان دلانے کے لیے تیار ہے۔ آج ایٹہ کی شناخت کسی مافیا یا مجرم سے نہیں بلکہ ترقی سے کی جارہی ہے۔ حکومت جرائم پیشہ مافیاوں کے خلاف زیرو ٹالرنس پالیسی کے تحت کام کرنے کے لیے پرعزم ہے۔