یوپی:180دنوں کی بہتر حکمرانی کا یوگی کا دعوی کھوکھلا:اکھلیش

لکھنؤ:ستمبر۔اترپردیش کی مین اپوزیشن جماعت سماج وادی پارٹی(ایس پی) کے صدر اکھلیش یادو نے اتوار کو ریاستی کی یوگی حکومت کے دوسرے میعاد کار کے چھ ماہ پورے ہونے پر ریاستی حکومت کی حصولیابیوں کے دعووں کو کھوکھلا قرار دیا ہے۔ ایک طرف وزیر اعلی یوگی آدتیہ ناتھ نے اتوار کو حکومت کے دوسرے میعاد کار کے 180 دنوں کی حصولیابیوں کا ’عہد سازی حکمرانی کا بہترین میعار قرار دیا ہے تو دوسری طرف اکھلیش نے اس کے جواب میں یوگی حکومت کے ان کاموں کا ذکر کرتے ہوئے ان دعوؤں کو کھوکلا بتایا جن کے پورا ہونے کا وقت مقررہ گذر گیا ہے اور ان کا ابھی تک آغاز بھی نہیں ہوپایا ہے۔انہوں نے اس بار یوگی حکومت کے وزراء کو ہی نہں بلکہ افسران کو بھی نشانے پر لیتے ہوئےان پر غلط بیانی کا الزام لگایا ہے۔ اکھلیش نے اپنے ٹوئٹ میں لکھا ہے’ بی جے پی حکومت میں وزراء کی طرح افسران بھی فرضی دورے اور جھوٹے وعدوں و نقلی معائنوں کے لئے کافی ’شاطر‘ہوچکے ہیں۔ایس پی صدر نے قنوج میں عطر پارک بنانے کی اسکیم کو لے کر یوگی حکومت کے سینئر افسر نونیت سہگل کو الزامات کے گھیرے میں لیتے ہوئے ایک میڈیا رپورٹ کے حوالے سے کہا کہ’یوگی کے سب سے قریبی افسر نونیت سہگل جی بتائیں کہ آپ کے ذریعہ قنوج میں جو ڈیڈ لائن دی گئی تھی اس کا کام شروع بھی ہوا یا نہیں؟ وی لو ڈروم کا بھی وہی حشر نہ ہوکہیں؟قابل ذکر ہے کہ چھوٹے، درمیان اور کافی چھوٹے صنعت ڈپارٹمنٹ(ایس اسی ایم ای) کے اس وقت کے اڈیشنل چیف سکریٹری کےطور پر سہلگ نے قنوج کا عطر پارک اس سال اکتوبر تک پورا کرنے کی ہدایت دئیے تھے۔یوگی حکومت نے آج حکومت کے دوسرے میعاد کے 180دن پورے ہونے پر اس دوران کئے گئے 100اہم فیصلوں کی فہرست جاری کر کے اسے حکومت کی حصولیابی کا رپورٹ کارد بتایا ہے۔اکھلیش نے حکومت کے اس دعوے کو کھوکھلا بتاتے ہوئے دیگر خبر کی کٹنگ سوشل میڈیا پر شیئر کیا ہے جس میں بازاروں میں گھوم رہے لمپی وائرس سے متاثرمویشی چسپاں کی گئی ہے۔اکھلیش نے یوگی حکومت کے وزراء کے دعوؤں کو بھی بڑبولا پن بتاتے ہوئے پریاگ راج میں وزیر صنعت نند گوپال نندی کے پریاگ راج واقع گھر کے باہر گڑھے والی سڑک کی تصویر میڈیا رپورٹ سوشل میڈیا پر شیئر کیا۔ انہوں نے اس بارے میں ایس پی کے ایک ٹوئٹ کا حوالہ دیا جس میں کہا گیا ہے’ بی جے پی حکومت میں وزیر نند گوپال نندی پورے ریاست میں گھوم گھوم کر ترقی کے دعوی کرتے ہیں۔جبکہ وزیر کے گھر جانے والی سڑک کی حالت آپ کے سامنے ہے۔کچھ دن پہلے ایک اور وزیر کیشوپرساد موریہ کے گھر کے نزدیک کی بھی حالت دکھائی تھی۔ ان کے بڑے بڑے دعوی کرنے والوں کی ترقی کی اصلیت یہ ہے۔اکھلیش نے ایک دیگر ٹوئٹ میں ایس پی حکومت کے میعاد کار کے کاموں کو یوگی حکومت کے ذریعہ ٹھنڈے بستے میں ڈالنے کا الزام لگایا ہے۔ انہوں نے کہا’ایس پی کے وقت قنوج کے تروا میں بنے جدید سہولیات سے لیس’کسان بازار‘ کو بی جے پی حکومت نے سیاسی انتقام میں ابھی تک شروع نہیں کیا ہے۔ یہ بی جے پی کی کسان مخالف ہونے کا جیتا جاگتا ثبوت ہے۔ قنوج کے بی جے پی کے ایم پی سے کسان پوچھ رہے ہیں ہم سے آپ کی کیا دشمنی ہے؟۔یوگی حکومت کو ہدف تنقید بناتے ہوئے اکھلیش نے یک بعد دیگر کئی ٹویٹ کر ایک ویڈیو سوشل میڈیا پر شیئر کی ہے جس میں پولیس اہلکار سمیت کچھ دیگر لوگ اسٹیٹ ٹرانسپورٹ کارپوریشن کی بس میں دھکا لگاتے دکھادے رہے ہیں۔انہوں نے یوگی کی ڈبل انجن حکومت پر طنز کستے ہوئے کہا’تو جناب یہ ہے اترپردیش کی ڈبل انجن بس یہاں بی جے پی حکومت ہے مست، عوام بے بس‘۔