یوپی اسمبلی کا مجوزہ مانسون سیشن 19ستمبر سے

لکھنؤ:ستمبر۔اترپردیش کی یوگی حکومت نے اسمبلی کا مجوزہ مانسون سیشن آئندہ 19ستمبر سے طلب کرنے کا فیصلہ کیا ہے۔وزیر اعلی یوگی آدتیہ ناتھ کی قیادت میں منگل کو کابینہ کی ہوئی میٹنگ میں اس ضمن میں پیش کی گئی تجویز کو منظوری فراہم کی گئی۔ میٹنگ کے بعد وزیر زراعت سوریہ پرتاپ شاہی اور شہری ترقیات کے وزیر اروند شرما نے پریس کانفرنس میں بتایا کہ کابینہ نے اسمبلی کے مانسون سیشن 19ستمبر سے بلانے کا فیصلہ کیا ہے۔ اس تجویز کومنظوری دینے کے لئے گورنر کو بھیج دیا گیا ہے۔ْانہوں نے بتایا کہ کابینہ کی میٹنگ میں کل 15تجاویز کو منظور دی گئی۔ ان میں محکمہ زراعت کے 3اہم تجاویز بھی شامل ہیں۔ شاہی نے بتایا کہ کسانوں کو کیٹ بیماری کنٹرول اسکیم کا فائدہ اگلے پانچ سالوں تک دئیے جانے کو منظوری دی گئی ہے۔سرکاری اعداد کے مطابق ریاست میں فصلوں کو فی سال کھرپتوار کی وجہ سے 15۔20فیصدی نقصان ہوتا ہے۔ اس کے علاوہ فصلوں میں روگ سے 26فیصدی، کیٹوں سے 20فیصدی، بھنڈارن سے 7فیصدی، چوہوں سے 6فیصدی اور دیگر وجوہات سے آٹھ فیصدی نقصان ہوتا ہے۔ شاہی نے کہ اکہ اس نقصان کو کم کئے جانے کے لئے کیٹ روگ کنٹرول اسکیم کو اگلے 5سالوں(2027تک)کے لئے بڑھانے کو منظوری دے دی ہے۔ اس پر اگلے 5سالوں تک 192کروڑ 57لاکھ 75ہزار روپئے خرچ کئے جائیں گے۔شاہی نے بتایا کہ رواں مالسی سال میں اس اسکیم پر 34کروڑ 17لاکھ روپئے خرچ کئے جائیں گے ۔ اس سے کسانوں کو کیٹ بیماری کنٹرول کے لئے فائدہ دیا جائے گا۔ انہوں نےکہا کہ فصلوں کو محفوظ رکھے جانے کے لئے 2،3اور5کوئنٹل کی بکھاری بھی 50فیصدی گرانٹ پر کسانوں کو دستیاب کرائی جائے گی۔ سال 200سے2027تک اس اسکیم کے دائرے مین 41لاکھ 42ہزار کسانوں کو شامل کیا جائے گا۔شرما نے بتایا کہ کابینہ کی میٹنگ میں نگر وکاس ڈپارٹمنٹ کی 12تجاویزوں کو منظوری دی جائے گی۔ انہوں نے بتایا کہ 04نئے نگر پنچایت کی تشکیل کی تجویز کو منظوری دی گئی ہے۔ ان میں کشی نگر ضلع کی متھولی، دیوریا ضلع کی ہیتمپور، اجودھیا ضلع کی ماں کاماکھیا اور فرخ آباد ضلع کی سنکسا نگر پنچایت کی تشکیل کو منظوری دی گئی ہے۔ اس کے ساتھ ہی ریاست میں اب نگر پنچایتوں کی کل تعداد 756 ہوگئی ہے۔شرما نے بتایا کہ میٹنگ میں دیوریا نگر پالیکا اور علی گڑھ نگر نگم کی سرحدوں میں توسیع کئے جانے کی تجویز پر بھی مہر لگائی گئی ہے۔ اس کے علاوہ ریاست کے کچھ نگر پنچایتوں کی سرحد توسیع کو کابینہ کی منظور دی گئی ہے۔ان میں باندہ کی بسنڈا، بارہ بنکی کی رام نگر، شاہجہاں پور کی الہا گنج، کشی نگر کی رام کولا، لکھیم پور کھیری کی دھورہرا اور فرخ آباد کی کنپل کی تجویز کو منظور ی دی گئی ہے۔