دفاعی چیمپئن میدویدیف یو ایس اوپن سے باہر

نیویارک، ستمبر۔آسٹریلیا کے نک کرگیوس نے بڑے الٹ پھیر میں دفاعی یو ایس اوپن چیمپئن ڈینیل میدویدیف کو چوتھے راؤنڈ میں شکست دے کر ٹورنامنٹ سے باہر کردیا۔کرگیوس نے اتوار کی رات آرتھر ایشے اسٹیڈیم میں عالمی نمبر ایک میدویدیف کو 7-6 (11)، 3-6، 6-3، 6-2 سے شکست دے کر پہلی بار یو ایس اوپن کے کوارٹر فائنل میں جگہ بنائی۔ سیمی فائنل میں پہنچنے کے لیے کرگیوس کا مقابلہ 27 سالہ کیرن خاچانوف سے ہوگا۔23 ویں سیڈ کرگیوس نے 3-1 کی برتری کے ساتھ میدویدیف کے خلاف میچ میں قدم رکھا لیکن اپنے کیریئر کی بہترین فارم میں بھی میدویدیف کو گرینڈ سلیم ایونٹ میں شکست دینا ان کے لیے ایک چیلنج تھا۔ بالآخر، آسٹریلیا کے کھلاڑی نے دو گھنٹے 53 منٹ کے بعد ٹاپ سیڈ میدویدیف کے خلاف چوتھی جیت حاصل کی۔میدویدیف یو ایس اوپن ہارنے کے بعد اے ٹی پی رینکنگ میں اپنا ٹاپ مقام کھو دیں گے۔ اس شکست کے بعد رافیل نڈال، کارلوس الکاراز یا کیسپر روڈ میں سے کوئی بھی نمبر ون بن سکتا ہے۔