جھوٹے الزامات لگانے والے مودی اور ملک سے معافی مانگیں: شاہ

نئی دہلی، جون ۔مرکزی وزیر داخلہ امت شاہ نے ہفتہ کو کہا کہ گجرات فسادات کے بارے میں سپریم کورٹ کے فیصلے سے یہ واضح ہو گیا ہے کہ وزیر اعظم نریندر مودی پر سیاسی سازش کے تحت الزام لگایا گیا تھا اور الزامات لگانے والوں کو اب مسٹر مودی، ملک اور بھارتیہ جنتا پارٹی سے معافی مانگنی چاہئے۔مسٹر شاہ نے آج سوشل میڈیا پر اپنے ایک انٹرویو کے اقتباسات کو سلسلہ وار ٹویٹس میں شیئر کرتے ہوئے کہا کہ عدالت کے فیصلے سے یہ واضح ہو گیا ہے کہ یہ تمام الزامات سیاسی سازش کے تحت لگائے گئے تھے اور اب یہ الزامات لگانے والوں کو مسٹر مودی سے معافی مانگنی چاہیے.انہوں نے کہاکہ "سپریم کورٹ کے فیصلے نے ایک بار پھر ثابت کر دیا ہے کہ نریندر مودی جی پر لگائے گئے الزامات ایک سیاسی سازش تھی۔ مودی جی نے ایک لفظ بھی بولے بغیر 18-19 سال تک بھگوان شنکر کے زہر پینے کی طرح تمام دکھوں سے لڑتے رہے۔ اب جب کہ سچ سونے کی طرح چمکتا ہوا سامنے آیا ہے، یہ فخر کی بات ہے۔حال ہی میں کانگریس لیڈر راہل گاندھی سے انفورسمنٹ ڈائریکٹوریٹ کی پوچھ گچھ کے دوران کانگریس کارکنوں کے دھرنے اور مظاہروں پر تنقید کرتے ہوئے ہوئے انہوں نے ایک اور ٹویٹ میں کہاکہ "نریندر مودی جی نے ایک بہترین مثال قائم کی ہے کہ جمہوریت میں آئین کا احترام کیسے کیا جا سکتا ہے۔ مودی جی سے گھنٹوں پوچھ گچھ کی گئی لیکن ہم نے کوئی دھرنا نہیں دیا۔ اگر جھوٹے الزامات لگانے والوں میں ضمیر ہے تو انہیں مودی جی، بی جے پی اور ملک سے معافی مانگنی چاہیے۔ایک اور ٹویٹ میں مسٹر شاہ نے کہاکہ ’’میں نے مودی جی کو ان تمام جھوٹے الزامات کے درد کو بہت قریب سے سہتے ہوئے دیکھا ہے۔ عدالتی عمل چل رہا ہے، لہٰذا جھوٹے الزامات پر بھی کچھ نہ کہو… یہ موقف نریندر مودی جی جیسا مضبوط اعصاب رکھنے والا شخص ہی اختیار کرسکتا تھا، جو ملک کے نظام انصاف پر یقین رکھتا ہے۔مسٹر شاہ نے کہا کہ ملک کے لوگوں نے ان الزامات کو کبھی قبول نہیں کیا اور وہ آج بھی مودی کے ساتھ کھڑے ہیں۔ انہوں نے ٹویٹ کیاکہ ”کچھ صحافی، این جی اوز اور بی جے پی مخالف سیاسی جماعتیں جھوٹے الزامات لگا کر مودی جی کو منظم گینگ کی طرح بڑھاوا دے رہی تھیں۔ لیکن ملک کے عوام نے ان الزامات کو کبھی قبول نہیں کیا۔ جمہوریت میں عوامی مینڈیٹ بہت اہمیت رکھتا ہے اور اتنے سالوں سے ملک کے عوام دل سے مودی جی کے ساتھ کھڑے ہیں۔