کاؤنٹی چیمپئن شپ، مڈل سیکس نے گلیمورگن کو شکست دے دی

لندن۔اپریل۔انگلش کاؤنٹی چیمپئن شپ میں مڈل سیکس نے گلیمورگن کو اننگز اور 82رنز سے ہرا دیا، مڈل سیکس کی ٹیم اپنی پہلی اننگز میں 214رنز کی برتری کے ساتھ 336رنز بنا کر آؤٹ ہوگئی، جان سمسن نے شاندار بیٹنگ کا مظاہرہ کیا اور 104رنز کی ناقابل شکست اننگز کھیلی، ٹوبی رولینڈ جونز 65رنز کے ساتھ دوسرے نمایاں بیٹر رہے۔گلیمورگن کی طرف سے جیمز ہیرس نے 4وکٹیں حاصل کیں۔ گلیمورگن کی ٹیم اپنی دوسری اننگز میں 132 رنز پر ڈھیر ہو گئی، اس طرح اسے اننگز اور 82سے شکست کا سامنا کرنا پڑا، مائیکل نیسر 27 اور مارنس لابوشین 23 رنز بنا کر نمایاں رہے، مڈل سیکس کی طرف سے ٹوبی رولینڈ جونز نے 5کھلاڑیوں کو آؤٹ کیا۔