مودی نے کرناٹک میں انتخابی مہم کا آغاز کیا

منڈیا، مارچ۔ وزیراعظم نریندر مودی نے اتوار کو کرناٹک کے منڈیا میں روڈ شو کرکے بھارتیہ جنتا پارٹی (بی جے پی) کی انتخابی مہم کا آغاز کیا۔روڈ شو کے دوران لوگوں میں کافی جوش و خروش دیکھا گیا۔ لوگوں نے ‘مودی-مودی کے نعروں کے ساتھ وزیر اعظم کا پرتپاک استقبال کیا اور ان پر پھولوں کی پتیاں نچھاور کیں۔علاقے میں پانچ ہزار سے زائد پولیس اہلکار تعینات کیے گئے ہیں۔مسٹرمودی بنگلورو-میسور ایکسپریس وے کا افتتاح کرنے والے ہیں۔ اس کے ساتھ وہ کرناٹک میں تقریباً 16,000 کروڑ روپے کے پروجیکٹوں کا سنگ بنیاد رکھیں گے۔مسٹرمودی تقریباً 4130 کروڑ روپے کی لاگت سے تعمیر ہونے والے چار لین میسور-کشال نگر ہائی وے کا بھی سنگ بنیاد رکھیں گے۔ اس منصوبے سے منزلوں کے درمیان سفر کا وقت پانچ گھنٹے سے کم ہو کر صرف 2.5 گھنٹے رہ جائے گا۔بعد میں وہ کرناٹک کے شمالی حصے کا بھی دورہ کریں گے اور 850 کروڑ روپے سے زیادہ کی لاگت سے تعمیر کردہ آئی آئی ٹی دھارواڑ کا افتتاح کریں گے۔مسٹرمودی ہبلی ریلوے اسٹیشن پر شری سدھاروڑھ سوامی منچ کو قوم کے نام وقف کریں گے، جسے گنیز بک آف ورلڈ ریکارڈ میں تسلیم کیا گیا ہے۔ یہ پلیٹ فارم تقریباً 20 کروڑ روپے کی لاگت سے بنایا گیا ہے۔وزیر اعظم دھارواڑ ملٹی ولیج واٹر سپلائی اسکیم کا بھی سنگ بنیاد رکھیں گے، جسے 1040 کروڑ روپے سے زیادہ کی لاگت سے تیار کیا جائے گا۔ وہ ہبلی دھارواڑ اسمارٹ سٹی کے مختلف پروجیکٹوں کا افتتاح اور سنگ بنیاد رکھیں گے۔پی ایم او کے ایک بیان میں کہا گیا ہے کہ ان پروجیکٹوں کی کل تخمینہ لاگت تقریباً 520 کروڑ روپے ہے۔