"گیم آف تھرونز” کی بے رحم ملکہ لینا ہیڈی نے تیسری شادی کر لی

روم،اکتوبر۔ ویب سیریز "گیم آف تھرونز” میں سات ریاستوں کی بے رحم ملکہ "سرسی لینسٹر ک”ے طور پر مشہور ہونے والی ہالی ووڈ کی معروف اداکارہ لینا ہیڈی نے امریکی اداکار مارک مینچاکا سیتیسری شادی کر لی۔غیر ملکی میدیا رپورٹس کے مطابق ہالی ووڈکے معروف جوڑے نے 6اکتوبر کو اٹلی میں ایک نجی تقریب میں شادی کر لی۔ ہالی ووڈ کی نامور49 سالہ اداکارہ لینا ہیڈی نے 46 سالہ مارک مینچاکا سے تیسری شادی کی ہے۔ شادی کے موقع پر یہ جوڑا ایک ساتھ خوش دکھائی دیا۔ شادی کی تصاویر سوشل میڈیا پر وائرل ہورہی ہیں۔لینا کی شادی میں "گیم آف تھرونز” کے کئی ساتھی اداکاروں نے بھی شرکت کی۔ واضح رہے کہ اداکارہ لینا اس سے قبل 2007 میں موسیقار پیٹر پال لوفران سے شادی کرچکی ہیں جو 2013 تک قائم رہی۔ اس کے بعد انہوں نے 2018ء میں ڈائریکٹر ڈین کیڈن سے شادی کی جو ایک سال بعد ہی ختم ہوگئی. رپورٹس کے مطابق اداکارہ لینا ہیڈی نے مارک مینچاکا سے ڈیٹنگ ان کے ہٹ نیٹ فلکس شو "اوزرک "کے بعد شروع کی۔یاد رہے کہ لینا ہیڈی اور مارک نے نومبر 2020ء میں اپنے تعلقات کی تصدیق اس وقت کی جب دونوں کو ایک ساتھ وقت گزارتے دیکھا گیا تھا۔