پاکستانی اسپنر شاداب خان بی بی ایل کے سڈنی سکسرز اسکواڈ میں شامل

سڈنی، دسمبر۔۔پاکستانی لیگ اسپنر شاداب خان بگ بیش لیگ 11 سیزن میں دو بار کی چیمپئن سڈنی سکسرز کے لیے کھیلتے نظر آئیں گے۔ شاداب، جو سکسرز کے ساتھ بطور اوورسیز کھلاڑی رہے ہیں، کو 24 سالہ آسٹریلیائی آف اسپنر بین مانینٹی اور تجربہ کار اسپنر اسٹیو او کیف کی جگہ ٹیم میں شامل کیا گیا تھا، جو انجری کی وجہ سے باہر ہوگئے تھے۔ 23 سالہ شاداب نے کم عمری میں تینوں فارمیٹس میں پاکستان کے لیے ڈیبیو کیا اور اب تک 64 ٹی ٹوئنٹی کھیل چکے ہیں، جس میں 7.11 کی اکانومی ریٹ سے 73 وکٹیں حاصل کیں۔ اس کے علاوہ 136.81 کے اسٹرائیک ریٹ سے بھی رنز بنائے ہیں۔ شاداب نے 2021 کے ٹی ٹوئنٹی ورلڈ کپ میں پاکستان کے لیے تمام چھ میچوں میں نو وکٹیں حاصل کیں۔ اس دوران انہوں نے آسٹریلیا کے خلاف 4/26 کی شاندار اننگز کھیلی۔ شاداب نے بی بی ایل-7 میں برسبین ہیٹ کے لیے تین میچ کھیلے، دو وکٹیں لیں۔ سکسرز کے ہیڈ کوچ گریگ شیپارڈ نے کہا کہ وہ شاداب کے ساتھ کام کرنے کے منتظر ہیں۔ یہ بھی کہا کہ ہمارے زخمی بالرز کی جگہ شاداب نے شمولیت اختیار کی ہے۔ ہم کھیل کے تینوں فارمیٹس میں شاداب کی صلاحیتوں کا خیرمقدم کرتے ہیں اور آنے والے میچوں میں اسے موقع دینے کے منتظر ہیں۔