قطری سرمایہ کاروں کا گروپ مانچسٹر یونائیٹڈ خریدنے کا خواہاں

دوحا،فروری ۔ قطری سرمایہ کاروں کے گروپ نے معروف فٹبال کلب مانچسٹر یونائٹیڈ کو خریدنے کا سپنا سجا لیا۔برطانوی میڈیا کے مطابق قطر میں عالمی فٹبال کپ کے کامیاب انعقاد کے بعد کھیل کے دیوانوں کی تعداد میں کئی گنا اضافہ ہوگیا ہے، یہی وجہ ہے کہ ایک نجی گروپ نے مانچسٹر یونائٹیڈ کیلئے بولی دینے کا اعلان کیا ہے۔گروپ مانچسٹر یونائیٹڈ کے مینجر ایرک ٹین ہیگ کو بہت بڑی رقم بھی دینے کو تیار ہے تاہم ان کے مقابلے میں اب تک کوئی اور سامنے نہیں آیا ہے۔ لیجنڈری فٹبالر رونالڈینو کا 17سالہ بیٹا بارسلونا سے معاہدے کے قریب ہے۔دوسری جانب کلب کے مالکان کی یہ خواہش ہے کہ کوئی ایسا خریدار مل جائے جو 6 بلین پائونڈز سے زیادہ رقم ادا کرنے کو تیار ہو، رقم وہ مانچسٹر یونائٹیڈ کے تاریخی اسٹیڈیم کو از سر نو بنانے اور دیگر سہولیات پر خرچ کرنے کا خواہاں ہیں۔پراجیکٹ پر تقریباً 2 بلین پاونڈز کی لاگت کا تخمینہ لگایا گیا ہے جو قطری گروپ کیلئے بڑی رقم نہیں۔