ستیہ نڈیلا نے وزیرزعظم مودی سے ملاقات کی

نئی دہلی، جنوری ۔وزیر اعظم نریندر مودی نے آج یہاں مائیکروسافٹ کارپوریشن کے سربراہ اور چیف ایگزیکیٹیو افسر (سی ای او ) ستیہ نڈیلا سے ملاقات کی اور ملک میں ڈیجیٹل انڈیا مشن کی ترقی کے سلسلے میں تبادلہ خیال کیا۔مسٹر نڈیلا نے وزیر اعظم سے ملاقات کے بعد ایک ٹویٹ میں مسٹر مودی کا شکریہ ادا کیا۔ انہوں نے کہا، ”اس انتہائی بامعنی ملاقات کے لیے مسٹر مودی کا شکریہ۔ ڈیجیٹل تبدیلی کے ذریعے پائیدار اور جامع اقتصادی ترقی سے متعلق حکومت کی گہری توجہ یقیناً متاثر کن ہے اور ہم ڈیجیٹل انڈیا کے وژن کو عملی جامہ پہنانے اور دنیا کو مثال کے طور پر آگے بڑھانے میں ہندوستان کی مدد کرنے کے منتظر ہیں۔ایک ریٹویٹ میں، مسٹر مودی نے کہا، مسٹر نڈیلا سے مل کر خوشی ہوئی۔ ٹکنالوجی اور اختراع میں ہندوستان کے اقدامات نے ٹیکنالوجی کی قیادت میں ترقی کے ایک نئے دور کا آغاز کیا ہے۔ ہمارے نوجوان اختراعی خیالات سے لبریز ہیں جو دنیا کو بدلنے کی صلاحیت رکھتے ہیں۔