چوطرفہ خریداری کی بدولت شیئر بازار نے لگائی چھلانگ

ممبئی، ستمبر۔عالمی منڈیوں کے مثبت رجحان کے درمیان مقامی سطح پر چوطرفہ خریداری کے سبب سنسیکس اور نفٹی میں آج مسلسل دوسرے دن اضافہ کا سلسلہ جاری رہا۔بی ایس ای کا حساس انڈیکس سنسیکس 578.51 پوائنٹس یعنی 0.98 فیصد چھلانگ لگا کر 59719.74 پوائنٹس پر اور نیشنل اسٹاک ایکسچینج (این ایس ای) کا نفٹی 194 پوائنٹس یعنی 1.1 فیصد چھلانگ لگا کر 17816.25 پوائنٹس پر پہنچ گیا۔ درمیانی اور چھوٹی کمپنیوں میں سرمایہ کاروں کی خریداری کی وجہ سے بی ایس ای کا مڈ کیپ 1.65 فیصد بڑھ کر 25,940.10 پوائنٹس پر اور اسمال کیپ 1.01 فیصد بڑھ کر 29,442.79 پوائنٹس پر پہنچ گیا۔اس دوران بی ایس ای میں 3602 کمپنیوں کے حصص کا کاروبار ہوا جن میں سے 2109 میں خریداری ہوئی، جبکہک 1364 میں فروخت ہوئی اور 129 میں کوئی تبدیلی نہیں ہوئی۔ اسی طرح این ایس ای میں 42 کمپنیاں سبز رہیں جبکہ باقی آٹھ سرخ نشان پر رہیں۔افراط زر کو کنٹرول کرنے کے لیے سویڈن کے مرکزی بینک کی طرف سے شرح سود میں ایک فیصد اضافہ کرنے اور اسی ہفتے فیڈ ریزرو اور بینک آف انگلینڈ، بینک آف جاپان سمیت کئی مرکزی بینکوں کے ذریعہ شرح سود میں اضافہ کرنے کی قیاس آرائی کے درمیان عالمی سطح پر سرمایہ کار اپنی سرمایہ کاری میں احتیاط برت رہے ہیں۔ ایسی صورتحال میں برطانیہ کے ایف ٹی ایس ای میں 0.02 فیصد، جاپان کے نکئی میں 0.44 فیصد، ہانگ کانگ کے ہینگ سینگ میں 1.16 فیصد اور چین کے شنگھائی کمپوزٹ میں 0.22 فیصد اضافہ ہوا جبکہ جرمنی کے ڈی اے ایکس میں 0.48 فیصد گراوٹ درج ہوئی۔دریں اثناء، گھریلو اسٹاک مارکیٹ میں سرمایہ کاروں کے مضبوط حوصلے کی وجہ سے، بی ایس ای کے تمام 19 گروپوں میں اضافہ ہوا ۔ اس مدت کے دوران ہیلتھ کیئر 2.81، کنزیومر ڈیوربلز 2.17، کموڈٹیز 1.29، سی ڈی 1.47، فنانشل سروسز 1.29، انڈسٹریز 1.10، ٹیلی کام 1.06، آٹو 1.59، بینکنگ 1.25، میٹلز 1.34 اور ریئلٹی 1.53 فیصد کا اضافہ ہوا۔