بی جے پی لیڈر سونالی پھوگاٹ کا انتقال

پنجی، اگست۔ ٹک ٹاک اسٹار اور بھارتیہ جنتا پارٹی (بی جے پی) لیڈر سونالی پھوگاٹ کو دل کا دورہ پڑنے سے پیر کی رات یہاں انتقال ہوگیا۔ وہ 41 سال کی تھیں۔ بی جے پی کے ایک لیڈر نے منگل کے روز یو این آئی کو محترمہ پھوگاٹ کی موت کی خبر کی تصدیق کی۔ تاہم مقامی حکام نے ابھی تک اس کی تصدیق نہیں کی ہے۔ محترمہ پھوگاٹ اپنے عملہ کے ارکان کے ساتھ گوا کے دورے پر تھیں۔محترمہ پھوگاٹ نے سال 2019 میں بی جے پی کے ٹکٹ پر آدم پور کی اسمبلی سیٹ سے کانگریس کے مسٹر کلدیپ بشنوئی کے خلاف ہریانہ کا الیکشن لڑا تھا۔ محترمہ پھوگاٹ انتخابات کے دوران ٹک ٹاک پر اپنی ویڈیوز کے لیے بھی سرخیوں میں تھیں۔