کانپور تشدد کے ملزم حیات ظفر کے قریبی کی عمارت پر چلا بلڈوزر

کانپور:جون۔اترپردیش کے ضلع کانپور میں گذشتہ ہفتے جمعہ کو پیش آئے پرتشدد واقعہ میں کلیدی ملزم بنائے گئے حیات ظفر ہاشمی کے ایک قریبی رشتہ داری محمد اشتیاق کی ایک عمارت کے مبینہ غیر قانونی تعمیر پر ہفتہ کی صبح بلڈوزر کی کاروائی کی گئی۔کانپور ڈیولپمنٹ اتھارٹی(کے ڈی اے) کی جانب سے شہر کے بنا جھابر علاقے میں واقعہ اشتیاق کی عمارت کے غیر قانونی قبضہ والے حصے کو ٹونے کی کاروائی کی گئی۔ کے ڈی اے کے سکریٹری شتروگھن ویشیہ نے بتایا کہ بلڈوزور کاروباری استیاق کی اس عمارت میں غیر قانونی تعمیر اور قبضہ کو ہٹانے کی نوٹس پہلے کئی بار دی گئی ہے۔نوٹس پر عمل نہ ہونے کے بعد اتھارٹی نے ہفتہ کو قبضۃ ہٹانے کی کاروائی کی ہے۔ویشیہ نے بتایا کہ اس عمارت کا رہایشی زمرے کا نقشہ پاس کرایا گیا تھا لیکن اسے پیشہ وارانہ مقصد کے لئے استعمال کئے جانے کی بات سامنے آئے تھے۔ مانا جاتا ہے کہ اشتیاق کانپور تشدد معاملے میں کلیدی ملزم بنائے گئے حیات ظفر کا قریبی رشتہ دار ہے۔کانپور کے کسی انتظامی یا پولیس افسر نے یہ واضح نہیں کیا ہے کہ اشتیاق کا بیکن گنج تھانے میں پیش آئے تشدد سے کوئی تعلق ہے یا نہیں۔

Related Articles