نئی دہلی، سیرم انسٹی ٹیوٹ آف انڈیا (ایس آئی آئی) نے برطانیہ کی آکسفورڈ یونیورسٹی اور دوا ساز کمپنی ایسٹراجینیکا کی جانب سے مشترکہ طور پر تیار کی جا رہی کورونا ویکسین ’کوویشیلڈ‘ کے 73 دن کے اندر ہندوستان میں دستیاب ہونے کے سلسلے میں میڈیا میں آئی خبروں کی تردید کی ہے۔
ایس آئی آئی نے اتوار کو وضاحت کرتے ہوئے کہا کہ حکومت نے اسے محض ویکسین بنانے اور ذخیرہ کی اجازت دی ہے۔ کوویشیلڈ کا ابھی تیسرے مرحلے کا تجربہ جاری ہے اور جب ویکسین مکمل طور پر مؤثر اور قابلِ علاج ہوگی تو وہ اس کی دستیابی کے بارے میں بہ ضابطہ اطلاع دے گی۔
اس نے کہا ہے کہ کوویشیلڈ کے تجربہ کے کامیاب ثابت ہونے کے بعد ریگولیٹرز کی لازمی منظوری کے بعد ہی ویکسین دستیاب ہوگی۔