شاہد آفریدی کا کورونا پازیٹو

کراچی، جنوری۔سابق آل راؤنڈر شاہد آفریدی جمعرات کو کورونا مثبت پائے گئے۔ وہ اس سال پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کر رہے ہیں۔ پاکستان کے سابق کپتان نے پی سی بی کے پروٹوکول پر عمل کرتے ہوئے خود کو الگ تھلگ کر لیا ہے اور منفی رپورٹ آنے کے بعد ہی ٹیم کو جوائن کریں گے۔ آفریدی کوئٹہ گلیڈی ایٹرز کے ابتدائی میچوں میں شرکت نہیں کریں گے اور لاہور کے خلاف میچ کے لیے ٹیم میں شامل ہوں گے۔ آفریدی ذاتی اور صحت کے مسائل کی وجہ سے پی ایس ایل سیزن سیون کا بائیو بلبل چھوڑ چکے ہیں۔ آفریدی نے کہا کہ وہ بائیو ببل سے باہر آچکے ہیں اور مطلوبہ تین دن کی قرنطینہ مدت مکمل کریں گے جس کے بعد وہ کوئٹہ کی ٹیم کو جوائن کریں گے۔ ذرائع نے جیو نیوز کو بتایا کہ آل راؤنڈر نے ذاتی اور صحت کے مسائل کی وجہ سے فرنچائز انتظامیہ سے انہیں بائیو ببل سے معاف کرنے کو کہا تھا۔ ذرائع کا کہنا ہے کہ آفریدی نے انتظامیہ کو بتایا ہے کہ وہ کمر میں درد میں مبتلا ہیں اور ان کی اہلیہ کا ایک رشتہ دار انتقال کر گیا ہے۔ اس سال کا پی ایس ایل آفریدی کا آخری ٹورنامنٹ ہوگا، جو جمعہ سے کراچی کے نیشنل اسٹیڈیم میں شروع ہوگا۔