محمد حفیظ کو’پروفیسر کیوں کہا جاتا ہے؟ عبدالرزاق نے بتا دیا

کراچی،فروری۔پاکستان سپر لیگ (پی ایس ایل) کے آٹھویں سیزن کے حوالے سے جیو نیوز کے خصوصی پروگرام ’’ہارنامنع ہے‘‘ میں پاکستانی کرکٹ ٹیم کے سابق اسٹار آل راؤنڈر عبدالرزاق اور معروف اداکارہ مریم نفیس نے شرکت کی۔پروگرام میں گفتگو کرتے ہوئے اداکارہ مریم نفیس کا کہنا تھا کہ پی ایس ایل کی افتتاحی تقریب بہت اچھی تھی جبکہ سابق کرکٹر عبدالرزاق کا کہنا تھا کہ پچ اچھا پرفارم کر رہی ہے لاہور قلندرز اور ملتان سلطانز کے درمیان اچھا میچ ہوا، فخرزمان نے اچھا پرفارم کیا۔اس کے علاوہ عبدالرزاق نے پاکستان کرکٹ ٹیم کے سابق کپتان محمد حفیظ کو پروفیسر بولنے کی وجہ بھی بتادی۔عبدالرزاق نے بتایا کہ محمد حفیظ کو پروفیسر اس لیے کہتے ہیں کیوں کہ ان کے اندر بولنے کی کوالٹی ہے۔ اداکارہ مریم نفیس کا کہنا تھازیادہ عوام کو لگتا ہے کہ پاکستان میں بھارتی فلموں کو ریلیز ہونا چاہییجبکہ عبدالرزاق کا کہنا تھا کہ اب پاکستانی فلمیں بھی اچھی بن رہی ہیں۔دوسری جانب پروگرام میں500 کی دوڑ کا مقابلہ ہوا جس میں اداکارہ مریم نفیس کی ٹیم نے کرکٹر عبدالرزاق کی ٹیم کو ہرا دیا۔مریم نفیس کی ٹیم نے 431 اسکور بنایا جبکہ مریم کا کل اسکور 836 اور سابق کرکٹر عبدالرزاق کا اسکور 765 ہوگیا۔واضح رہے کہ ایچ بی ایل پی ایس ایل 8کے افتتاحی میچ میں دفاعی چیمپئن لاہور قلندرز نے سنسنی خیز مقابلے کے بعد ملتان سلطانز کو ایک رنز سے شکست دے دی۔