حکومت اومیکرون سے لڑنے کے لیے تیار: کیجریوال

نئی دہلی، دسمبر۔ دہلی کے وزیر اعلی اروند کیجریوال نے کہا ہے کہ کورونا کی نئی قسم اومیکرون سے گھبرانے کی ضرورت نہیں ہے کیونکہ حکومت اس سے لڑنے کے لئے پوری طرح تیار ہے۔مسٹر کیجریوال نے پیر کو یہاں نامہ نگاروں کو بتایا کہ ڈی ڈی ایم اے کی عہدیداروں اور ماہرین کے ساتھ اومیکرون کے حوالے سے ایک میٹنگ ہوئی جس میں یہ بات سامنے آئی کہ وائرس تیزی سے پھیلتا ہے لیکن اس کی علامات بہت ہلکی ہیں اور موت کے امکانات کم ہیں۔انہوں نے کہا کہ دہلی کے لوگوں کو گھبرانے کی ضرورت نہیں ہے۔اسپتال، آکسیجن اور ادویات کا انتظام کیا گیا ہے۔ اس میں سب سے اہم ضرورت ہوم آئسولیشن کی ضرورت ہوگی۔ 23 دسمبر کو ہوم آئسولیشن مینجمنٹ پر اہم اجلاس ہوگا۔وزیر اعلیٰ نے کہا کہ اب صرف کورونا سے متاثرہ پائے جانے والوں کی جینوم سیکوینسنگ ہوائی اڈوں پر کی جاتی تھی، لیکن اب دہلی آنے والے تمام کورونا کیسوں کی جینوم سیکوینسنگ کی جائے گی اور اومیکرون کی جانچ ہوگی۔انہوں نے کہا کہ کابینہ میں ایک اور فیصلہ کیا گیا ہے۔ کورونا کی مدت کے بعد سے جو مفت راشن دیا جا رہا تھا اس کی مدت کو چھ ماہ کے لیے بڑھا کر 31 مئی تک کر دیا گیا ہے۔مسٹر کیجریوال نے یہ بھی کہا کہ ٹیچرز یونیورسٹی بنانے کو کابینہ کی منظوری مل گئی ہے۔ اسے آئندہ اسمبلی اجلاس میں اٹھایا جائے گا۔ اس کے ذریعے نئی نسل کے اساتذہ تیار ہوں گے۔