جے شنکر آج سے پانچ ستمبر تک یوکرین اور پولینڈ کے دورے پر
نئی دہلی، وزیر خارجہ ڈاکٹر ایس جے شنکر آج سے پانچ ستمبر تک یوکرین اور پولینڈ کے سرکاری دورے پر رہیں گے۔ اس دوران وہ دونوں ممالک کے اپنے ہم منصبوں کے ساتھ دوطرفہ تعلقات کو مزید مضبوط بنانے اور علاقائی صورتحال پر تبادلہ خیال کریں گے۔وزارت خارجہ کے مطابق، دورے کے دوران جے شنکر یوکرین کے وزیر خارجہ آندری سِبیہا اور پولینڈ کے نائب وزیر اعظم و وزیر خارجہ رادوسلاف سِکورسکی کے ساتھ دوطرفہ مذاکرات کریں گے۔
وزیر خارجہ جے شنکر کے دورے کے دوران بھارت کے دونوں ممالک کے ساتھ دوطرفہ تعلقات کو مزید آگے بڑھانے کے ساتھ ساتھ علاقائی صورتحال اور باہمی مفادات سے متعلق مختلف امور پر بھی خیالات کا تبادلہ کیا جائے گا۔
