جالون:سڑک حادثے میں پانچ کی موت،17زخمی

جالون:مئی۔اترپردیش کے ضلع جالون کے مادھو گڑھ علاقے میں اتوار کی علی الصبح ایک بس گہرے گڑھے میں پلٹ گئی جس سے اس میں سوار پانچ مسافروں کی موت ہوگئی جبکہ دیگر 17 مسافر شدید طور اے زخمی ہوگئے۔پولیس سپرنٹنڈنٹ اعراض راضا نے بتایا کہ ہفتہ کی دیر رات ریڈر علاقے منڈیلہ گاؤں سے ایک بارات رامپورا تھانہ علاقے کے دتاولی گاؤں آئی تھی۔بارات کو لے کر بس واپس منڈیلا جارہی تھی کہ علی الصبح تقریبا تین بجے مادھو گڑھ علاقے کے گاؤں گوپال پورا کے نزدیک کسی نامعلوم گاڑی نے ٹکر ماردی جاںسے با گہرے گڑھے میں پکٹ گئی۔ اس حادثے میں بس سوار سبھی مسافر شدید طور سے زخمی ہوگئے۔راہ گیروں کی اطلاع پر موقع پر پہنچی پولیس نے راحت رسانی کا کام شروع کرتے ہوئے سبھی زخمیقں کو سی ایچ سی رامپورا میں داخل کرایا جہاں ڈاکٹروں نے پانچ مسافروں کو مردہ قرار دے دیا۔ زخمیوں کو علاج کے لئےبہائر سنٹر ریفر کیا گیا ہے۔مہلوکین میں رگھونندن(48)،کلدیپ سنگھ(38)،شرومن(65)جالون کے رہنے والے تھے جبکہ بس ڈرائیور کلو اور کنڈکٹر وکاس رجاوت مدھیہ پردیش کے بھنڈ ضلع کے رہنے والے تھے۔ حادثے میں زخمیوں کی پہچان برجیندر، اشوک، لالتا پرساد، ویر سنگھ، شیو شنکر، سندر، کلو، شیو سنگھ،مہی پال،للو،راجندر،روندر کے طور پر کی گئی ہے۔