النصر کی شکست نے رونالڈو کو ناراض کردیا

ریاض،مارچ۔ سعودی عرب کی فٹبال لیگ کے میچ کے اختتام پر کرسٹیانو رونالڈو شدید ناراض اور غصے میں دکھائی دیے۔ عرب میڈیا کے مطابق لیگ میں رونالڈو کی ٹیم النصر کو ال اتحاد کے ہاتھوں ایک صفر سے شکست ہوئی، اس کارکردگی پر کرسٹیانو رونالڈو اپنی ٹیم سے سخت نالاں دکھائی دیے۔ انہوں نے گراؤنڈ میں پڑی پانی کی بوتلوں پر بھی اپنا بھرپور غصہ نکالا۔ویڈیوز میں دیکھا جاسکتا ہے کہ ساتھی کھلاڑیوں نے بھی کرسٹیانو رونالڈو کی مایوسی اور غصہ ٹھنڈا کرنے کی کوشش کی۔