مہنگاگْھڑدوڑمقابلہ جاپان کے پنتھالاسا نے جیت لیا،سعودی ولی عہد نے مالک کوکپ پیش کیا
الریاض،فروری۔سعودی عرب کے ولی عہد شہزادہ محمد بن سلمان نے دنیا کے بیش قیمت گھوڑوں کی دوڑ کے ایونٹ سعودی کپ 2023 کے چوتھے ایڈیشن کی سرپرستی کی ہے۔ جاپان کے پنتھالاسا نے گھڑسواری کا یہ مقابلہ جیت لیا ہے۔ہفتے کو الریاض کے شاہ عبدالعزیز ریس کورس میں منعقدہ مقابلے کے اختتام پرولی عہد نے جاپان کی ہیرو ریس کمپنی لمیٹڈ کے صدراور پنتھالاسا کے مالک نوکی یونیاما کو سعودی کپ سے نوازا۔سعودی ولی عہد شہزادہ محمد بن سلمان 25 فروری 2023 کو الریاض کے شاہ عبدالعزیز گھڑسواری اسکوائر میں دنیا کے امیر ترین گھوڑوں کی دوڑ کے ایونٹ سعودی کپ 2023 کے چوتھے ایڈیشن میں شریک ہیں۔سعودی ولی عہد شہزادہ محمد بن سلمان 25 فروری 2023 کو الریاض کے شاہ عبدالعزیز گھڑسواری اسکوائر میں دنیا کے امیر ترین گھوڑوں کی دوڑ کے ایونٹ سعودی کپ 2023 کے چوتھے ایڈیشن میں شریک ہیں۔پنتھالاسا کو یوشیتو یہاگی نے تربیت دی تھی۔ اس نے دنیا کی سب سے مہنگی دوڑ میں 1800 میٹر کا فاصلہ 80: 50: 1 منٹ میں طے کیا۔ولی عہد نے ٹرینر یہاگی اور جوکی یوتاکا یوشیدا کو مبارک باد پیش کی۔انھیں گھوڑے کا ماڈل اور گھڑسوارکا ہیلمٹ دیا گیا۔پنتھالاسا نے ہفتے کے روز دوکروڑ ڈالر انعامی رقم کی حامل گروپ ون سعودی کپ ریس میں باب بافرٹ کی تربیت یافتہ کنٹری گرامر کو شکست دی تھی۔اس پرجوکی میں فرینک ڈیٹوری سوار تھے۔سعودی کپ 2023 ء کی دوڑ کی سرگرمیوں کا آغاز جمعہ کوہوا تھا۔اس میں مجموعی طور پرساڑھے تین کروڑڈالرکے انعامی پول کو16 مراحل میں تقسیم کیا گیا تھا اور اس میں 16 ممالک کے 243 گھوڑوں نے شرکت کی۔ریس کورس پہنچنے پر سعودی ولی عہد کا استقبال گھڑ سواری اتھارٹی کے بورڈ آف ڈائریکٹرز کے چیئرمین اور سعودی عرب کے جوکی کلب کے بورڈ آف ڈائریکٹرز کے چیئرمین شہزادہ بندر بن خالد الفیصل اور جے سی ایس اے کے بورڈ آف ڈائریکٹرز کے رکن اور ٹیکنیکل کمیٹیوں کے چیئرمین شہزادہ عبداللہ بن خالد بن سلطان نے کیا۔سعودی ولی عہد کے ہمراہ وزیر مملکت شہزادہ ترکی بن محمد بن فہد، الریاض ریجن کے ڈپٹی گورنر شہزادہ محمد بن عبدالرحمٰن بن عبدالعزیز، وزیر کھیل شہزادہ عبدالعزیز بن ترکی الفیصل اور نیشنل گارڈ کے وزیر شہزادہ عبداللہ بن بندربن عبدالعزیز بھی مقابلے دیکھنیکے لیے آئے تھے۔
