بہت جلد پاکستان پہنچ رہا ہوں، جیسن روئے پی ایس ایل میں ایکشن کیلئے پرجوش

لندن،فروری۔انگلش کرکٹر جیسن روئے پی ایس ایل کے آٹھویں ایڈیشن میں ایکشن کے لیے پرجوش ہیں۔جیسن روئے کا کہنا ہے کہ پی ایس ایل کے لیے کوئٹہ کو جوائن کے حوالے سے کافی پْرجوش ہوں، مارٹن گپٹل کے ساتھ اننگز کی شروعات کروں گا اور ٹیم میں ہسارنگا جیسا پلیئر بھی موجود ہے۔انگلش کرکٹر نے مزید کہا کہ مقامی پلیئرز بھی اچھے ہیں جو کوئٹہ کا اسکواڈ مضبوط بناتے ہیں، گلیڈی ایٹرز کا کوچنگ اسٹاف بھی کافی عمدہ ہے۔جیسن روئے نے بہت جلد پاکستان پہنچنے کی خبر سناتے ہوئے امید ظاہر کی کہ یہ کوئٹہ کا سال ہو اور ہم ٹرافی اٹھائیں۔واضح رہے کہ پاکستان سپر لیگ کا آٹھواں ایڈیشن 13 فروری سے شروع ہو گا، ملتان سلطانز افتتاحی میچ میں دفاعی چیمپئن لاہور قلندرز سے ملتان کرکٹ اسٹیڈیم میں مقابلہ کرے گی۔