جی20-نمائندوں کے استقبال کے لئے پنا ٹائیگر ریزرو بھی تیار :شرما

کھجوراہو،فروری۔ مدھیہ پردیش کے کھجوراہو میں جی20-کی میٹنگ کے پہلے سابق ایم پی اور بھارتیہ جنتا پارٹی کی ریاستی اکائی کے صدر وشنودت شرما نے آج ایک ویڈیو سوشل میڈیا پر وائرل کرتے ہوئے کہا کہ جی20-کے نمائندوں کے استقبال کے لئے پنا ٹائیگر ریزروبھی تیار ہے ۔ویڈیو میں شیروں کے لئے مشہور پنا ٹائیگر ریزرو کی ایک شیرنی کے ساتھ ان کے چار چھوٹے بچے چہل قدمی کرتے نظر آ رہے ہیں ۔اس ویڈیو کو ٹوئیٹ کرتے ہوئے مسٹر شرما نے کہا کہ شیر دیکھنے کے شوق میں ٹائیگر روزرو آئے سیاحوں کو اگرشیر کے ساتھ دوڑ لگاتے ہوئے چھوٹے شیر کے بچے بھی دکھائی دے اور اس سے زیادہ دلچسپ اور کیا ہو سکتا ہے ،پنا ٹائیگر ریزرو میں آج کچھ ایسا ہی ہوا ۔انہوں نے کہا کہ ایسا لگتا ہے کہ جی20-ملکوں کے عوامی نمائندوں کے استقبال کے لئے پنا ٹائیگر ریزرو بھی تیار ہے ۔چھتر پور ضلع کے کھجوراہو میں 23,24اور 25فروری کو جی20-کی میٹنگ مجوزہ ہے ۔ پنا ٹائیگر ریزرو اسی کھجوراہو پارلیمانی علاقہ کا حصہ ہے ۔