سوریوکمار سال کے بہترین ٹی ٹوئنٹی کرکٹر بن گئے

دبئی، جنوری۔ہندوستان کے 360 ڈگری بلے باز سوریہ کمار یادو نے انٹرنیشنل کرکٹ کونسل (آئی سی سی) سے سال 2022 کے بہترین ٹی 20 کرکٹر کا ایوارڈ جیتا ہے۔ آئی سی سی نے بدھ کو اس کا اعلان کیا۔سوریہ کمار نے 2022 میں اپنی شاندار بلے بازی سے سب کو مسحور کر دیا اور کھیل کے مختصر ترین فارمیٹ میں کئی ریکارڈ بنائے۔ وہ ٹی 20 انٹرنیشنل میں ایک کیلنڈر سال میں 1000 سے زیادہ رنز بنانے والے دوسرے بلے باز بن گئے۔ انہوں نے 187.43 کے دھماکہ خیز اسٹرائیک ریٹ پر 1164 رنز بنا کر یہ کارنامہ انجام دیا اور وہ گزشتہ سال سب سے زیادہ رنز بنانے والے کھلاڑی بھی تھے۔انہوں نے آسٹریلیا میں ہونے والے ٹی 20 ورلڈ کپ 2022 کے دوران بھی اپنی شاندار فارم کو جاری رکھا، ٹورنامنٹ کی چھ اننگز میں تین نصف سنچریاں اسکور کیں۔ انہوں نے تقریباً 60 کی اوسط سے رنز بنائے اور یہاں بھی ان کا اسٹرائیک ریٹ 189.68 تھا۔سوریہ کمار نے اپنے ٹی20 کیریئر کے یادگار سال میں کل 68 چھکے لگائے۔ اس سے قبل ٹی ٹوئنٹی انٹرنیشنل میں ایک سال میں سب سے زیادہ چھکے لگانے کا ریکارڈ پاکستان کے محمد رضوان کے پاس تھا جنہوں نے 2021 میں 42 چھکے لگائے تھے۔ایوارڈ حاصل کرنے کے بعد سوریہ کمار نے کہا، مجھے ٹی 20 کرکٹر آف دی ایئر کے طور پر منتخب کرنے کے لیے آئی سی سی کا شکریہ۔ یہ بہت اچھا احساس ہے۔ میں نے 2022 بہت اچھا گزارا ہے۔ ذاتی طور پر، میں نے اپنی کچھ اننگز کا لطف اٹھایا ہے۔ سوریہ کمار نے مارچ 2021 میں انگلینڈ کے خلاف اپنا ٹی 20 انٹرنیشنل ڈیبیو کیا۔ بین الاقوامی کرکٹ کی سکرین پر آنے والے سوریہ کمار نے انگلینڈ کے خلاف اپنی پہلی ٹی ٹوئنٹی انٹرنیشنل سنچری بھی بنائی۔ جولائی 2022 میں ناٹنگھم میں کھیلے گئے میچ میں ہندوستان نے 216 رنز کے ہدف کا تعاقب کرتے ہوئے 31 رنز پر تین وکٹ گنوا دیے۔ اس کے بعد سوریہ کمار نے تنہا مقابلہ کیا اور 55 گیندوں پر 117 رنز کی شاندار اننگز کھیلی، حالانکہ آخر میں میچ 17 رنز سے انگلینڈ کے حق میں چلا گیا۔سوریہ کمار نے کہا، اگر آپ مجھ سے میری پسندیدہ اننگز کے بارے میں پوچھیں تو یہ میرے ملک کے لیے میری پہلی سنچری ہوگی۔ پہلی سنچری ہمیشہ خاص ہوتی ہے۔ امید ہے کہ ایسی اور بھی کئی اننگز کھیلنے کی امید ہے۔