بھارتی گلوکار نے دیپیکا پڈوکون کی انسٹا ریل کو دلچسپ گانے میں تبدیل کردیا

ممبئی،دسمبر۔بھارتی گلوکار یش راج مختیکے نئیگانے میں اداکارہ دیپیکا پڈوکون کی دلچسپ انٹری سوشل میڈیا پر وائرل ہوگئی ہے۔سوشل میڈیا انفلوئنسر اور میوزک پروڈیوسر یش راج مختے نے دیپیکا پڈوکون کی فیفا ورلڈکپ 2022ء کے بارے میں بنائی گئی انسٹا ریل پر ایک دلچسپ گانا بنا دیا ہے۔یش راج مختے نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی ہے۔اْنہوں نے اس ویڈیو کے آغاز میں بتایا کہ کل دیپیکا پڈوکون نے ایک انسٹاگرام ریل اپلوڈ کی تھی جس میں وہ 100 بیٹس پر میٹر کی رفتار سے بول رہی تھیں، اس لیے میں نے اس ریل کو گانے میں تبدیل کردیا ہے۔اْنہوں نے دیپیکا پڈوکون کی انسٹا ریل کو گانے میں تبدیل کرنے کے لیے بہت مہارت سے دلچسپ انداز میں موسیقی کی دھنوں کو اداکارہ کے بولے گئے جملوں کے ساتھ ملایا ہے۔بھارتی گلوکار کی جانب سے بنائے گئے اس دلچسپ گانے کو سوشل میڈیا صارفین کی جانب سے بہت پسند کیا جارہا ہے اور کمنٹ سیکشن میں دلچسپ تبصرے بھی کیے جارہے ہیں۔