سال 2022: کرس ایونز پرکشش ترین مرد قرار
نیویارک،نومبر۔مارول فلم سیریز میں ‘کیپٹن امریکہ’ کا کردار ادا کرنے والے اداکار کرس ایونز رواں برس کے پْرکشش ترین مرد قرار پائے ہیں۔معروف امریکی جریدے ‘پیپل میگزین’ نے پیر کو سال 2022 کے سب سے پْرکشش مرد کا ٹائٹل ہالی وڈ اداکار کرس ایونز کو دیا۔ گزشتہ برس ایونجرز سیریز میں ان کے کو اسٹار پال رڈ کو پْرکشش ترین مرد کے ٹائٹل سے نوازا گیا تھا۔ماضی میں اداکار جان لیجنڈ، ڈوین جانسن، ادریس ایلبا، ایڈم لیون، رچرڈ گیئر، چیننگ ٹیٹم سمیت ڈیوڈ بیکہم پْرکشش مرد ہونے کا اعزاز اپنے نام کرچکے ہیں۔خبروں کے مطابق پْرکشش ترین مرد کا اعزاز ملنے پر 41 سالہ اداکار کرس ایونز کا’پیپل میگزین’ کو دیے گئیایک انٹرویو میں کہنا تھا کہ ان کی والدہ بہت خوش ہوں گی۔ان کے بقول "میری والدہ کو میرے ہر کام پر فخر ہے لیکن اس ٹائٹل کے بعد اب وہ اس پر حد سے زیادہ فخر محسوس کریں گی۔”اداکار کرس ایونز امریکہ کی ریاست میساچوسٹس کے شہر بوسٹن میں پیدا ہوئے۔ انہوں نے سن 2000 میں اپنی پہلی ٹیلی ویڑن سیریز ‘اوپوزٹ سیکس’ میں اداکاری کے جوہر دکھائے تھے۔ ان کی پہلی فلم ‘دی نیو کمرس’ سن 2000 میں ریلیز ہوئی تھی۔کرس ایونز کو سن 2011 میں مارول کی فلم سیریز ‘کیپٹن امریکہ: دی فرسٹ ایونجرز’ سے خوب مقبولیت ملی۔ بعد ازاں انہوں نے مارول فلمز کی تقریباً 10 سپر ہیرو فلمز میں ‘کیپٹن امریکہ’ کا کردار نبھایا۔حال ہی میں وہ نیٹ فلکس کی فلم ‘دی گرے مین’ میں نظر آئے تھے۔
