مودی کا تلنگانہ حادثہ پر اظہارغم

نئی دہلی، ستمبر۔ وزیر اعظم نریندر مودی نے تلنگانہ کے سکندرآباد میں ایک حادثے میں جانی نقصان پر غم کا اظہار کیا ہے۔مسٹر مودی نے ٹویٹ کیا، "سوگوار خاندانوں سے تعزیت۔ میں زخمیوں کی جلد صحت یابی کی خواہش کرتا ہوں۔وزیر اعظم کے دفتر نے اپنے ٹویٹ میں کہا ہے کہ مہلوکین کے اہل خانہ کو دو دو لاکھ روپے اور زخمیوں کو 50-50 ہزار روپے وزیر اعظم کے قومی ریلیف فنڈ سے فراہم کیے جائیں گے۔تلنگانہ میں حیدرآباد سے متصل سکندرآباد میں ایک کثیر المنزلہ عمارت کے گراؤنڈ فلور پر واقع ای بائک شوروم میں پیر کی رات کو زبردست آگ لگنے سے کم از کم آٹھ افراد ہلاک اور چھ دیگر زخمی ہو گئے۔