انہیں تھوڑا کم دکھاوا کرنا چاہیے

نیویارک،اگست۔ امریکی ٹی وی اسٹار کم کارڈیشین کو لوٹنے والے ڈاکوؤں کا کہنا ہے کہ انہیں اپنی دولت کا ان لوگوں کے سامنے کم دکھاوا کرنا چاہیے جو ہر چیز کھلے عام خریدنے کی استطاعت نہیں رکھتے۔ 2016 میں کم کارڈیشین نے فرانس کے فیشن ویک میں شرکت کی غرض سے کرائے پر ایک گھر لیا تھا جس میں ڈاکو گھس آئے اور ان کے ہاتھ پاؤں باندھ کر باتھ ٹب میں ڈالا اور کروڑوں روپے مالیت کے زیورات اور نقدی لوٹی تھی۔اب گرفتار ملزم نے اپنے بیان میں کہا کہ ‘کم کارڈیشین کو تھوڑا کم دکھاوا کرنا چاہیے، یہ کچھ لوگوں کو غصہ دلاتا ہے‘۔ڈاکوؤں نے اپنی منصوبہ بندی کے حوالے سے بتایا کہ ‘امریکی ماڈل کو لوٹنے کا خیال اس وقت آیا جب سوشل میڈیا پر انہیں کئی مرتبہ اپنے زیورات اور پیسوں کا دکھاوا کرتے دیکھا، وہ بار بار اپنی دولت دکھاتی تھیں‘۔ملزم کا کہنا تھا کہ ’ ویڈیو میں وہ بیحد پیسے اڑا رہی تھیں تو ہم نے سوچا کیوں نہ ہم ہی یہ پیسے ان سے لے کر جمع کرلیں‘۔خیال رہے کہ کم کارڈیشین کے کرائے پر لیے گھر میں اکتوبر 2016 میں فرانس کی دو دہائیوں میں سب سے بڑی ڈکیتی ہوئی تھی جہاں ملزمان نے پولیس کا روپ اپناکر کارروائی کی تھی۔