اسٹاک مارکیٹ ابتدائی گراوٹ سے اونچائی کی طرف

ممبئی، جولائی۔عالمی سطح پر ملے جلے رجحان کے درمیان مقامی سطح پر رئیلٹی، میٹلز، بینکنگ، آٹو، فائنانس، سی ڈی جی ایس اور بنیادی مواد سمیت اٹھارہ گروپوں میں خریداری کے نتیجے میں سینسکس اور نفٹی آج اونچی سطح پر بند ہوئے۔ بی ایس ای کا 30 حصص کا حساس انڈیکس سینسیکس 246.47 پوائنٹس کی چھلانگ لگا کر 54،767.62 پوائنٹس اور نیشنل اسٹاک ایکسچینج (این ایس ای) کا نفٹی 62.05 سے 16،340.55 پر چڑھ گیا۔ اسی طرح بی ایس ای مڈ کیپ 0.68 فیصد بڑھ کر 23,351.98 پوائنٹس اورا سمال کیپ 0.88 فیصد بڑھ کر 26,367.49 پوائنٹس پر پہنچ گیا۔اس عرصے کے دوران بی ایس ای پر کل 3454 کمپنیوں کے حصص کا کاروبار ہوا، جن میں سے 2034 خریدے گئے اور 1274 فروخت ہوئے، جب کہ 146 میں کوئی تبدیلی نہیں ہوئی۔ اسی طرح این ایس ای میں 29 کمپنیاں سبز رہیں جبکہ باقی 21 سرخ نشان پر رہیں۔تیل اور گیس کے گروپ میں 0.33 فیصد گراوٹ کو چھوڑ کر، بی ایس ای پر اٹھارہ گروپوں کی تیزی ہوئی۔ ریئلٹی گروپ نے اس مدت کے دوران 2.66 فیصد کی سب سے زیادہ چھلانگ لگائی۔ اس کے علاوہ میٹلز 0.81، بینکنگ 0.95، آٹو 0.88، فنانس 0.67، سی ڈی جی ایس 0.73، بیسک میٹریلز 0.63، انڈسٹریز 0.53 اور پاور گروپ 0.53 فیصد بڑھے۔بین الاقوامی مارکیٹ میں ملا جلا رجحان رہا۔ برطانیہ کا ایف ٹی ایس ای 0.12، جاپان کا نکی 0.65 اور چین کا شنگھائی کمپوزٹ 0.04 فیصد بڑھ گیا جبکہ جرمنی کا ڈی اے ایکس 0.06 اور ہانگ کانگ کا ہینگ سینگ 0.89 فیصد گر گیا۔