بھارتی اداکارہ پائل روہتگی نے شادی کرلی

ممبئی،جولائی۔بھارتی اداکارہ اور بگ باس کنٹسٹنٹ پائل روہتگی نے ریسلر سنگرم سنگھ سے شادی کرلی۔اداکارہ نے گزشتہ روز فوٹو اینڈ ویڈیو شیئرنگ ایپ انسٹاگرام پر سرخ لہنگے میں ملبوس اپنی اور سنگرم سنگھ کی تصاویر شیئر کرتے ہوئے شادی کا اعلان کیا۔آگرہ کے جے پی پیلس میں اداکارہ کی شادی کی تقریب کا انعقاد کیا گیا جس میں اْن کے اہل خانہ سمیت قریبی دوست و احباب نے شرکت کی۔شادی کے اس موقع پر بگ باس کنٹسٹنٹ پائل روہتگی نے سرخ رنگ کا لہنگا اور چولی پہنی ہوئی تھی جسے آسو پالاؤ انڈیا نے ڈئزائن کیا تھا۔ جب کہ ریسلر سنگرم سنگھ نے کریم رنگ کی شیروانی کا انتخاب کیا تھا۔واضح رہے کہ بگ باس کنٹسٹنٹ پائل روہتگی اور سنگرام سنگھ نے بگ باس شو کے دوران ہی شادی کا اعلان کردیا تھا۔ یہ دونوں 12 سال سے ڈیٹ کر رہے ہیں اور اب انہوں نے 9 جولائی کو شادی کر لی ہے۔